Samfélagsmiðlar

Lengd dvalarinnar hefur mikil áhrif á fargjöld Icelandair

Farmiði með Icelandair getur þrefaldast í verði ef flogið er heim sama dag en hægt er að spara stórar upphæðir með því að blanda saman flugfélögum.

icelandair 767 757

Það eru kannski ekki margir farþegar á Keflavíkurflugvelli sem fljúga út að morgni og heim síðar sama dag. Sá kostur er þó fyrir hendi því Icelandair býður upp á tvær eða fleiri ferðir innan sama dags til nokkurra borga allt árið um kring. Það er hins vegar dýrt að bóka svona miða og til að mynda kostar í dag 127.505 krónur að kaupa far til London eftir tvær vikur, 9. nóvember, og heim um kvöldið. Þar af kostar morgunflugið til London 61.015 krónur en það lækkar niður í 38.515 krónur ef gist er eina nótt í London. Ef farþeginn dvelur hins vegar úti fram til sunnudagsins 13. nóvember er sætið í morgunflugið hins vegar orðið þrefalt ódýrara en það hefði verið ef heimferðin væri samdægurs. Þessar sveiflur hafa mikil áhrif á heildarverðið eins og sjá má á töflunni hér fyrir neðan.
Þess ber þó að geta að þegar flogið er með Icelandair báðar leiðir, innan sama dags, er hagstæðara að kaupa miða á Economy Comfort farrými heldur en á því ódýrasta. Þá fylgir matur og aukafarangur með í kaupunum og hægt er að breyta ferðatilhögun.

Breytingar með lággjaldaflugfélögunum

„Fargjöldin hjá okkur, eins og öðrum, fara eftir bókunarstöðu, framboði og eftirspurn á hverjum tíma og dýrari fargjöld hafa yfirleitt í sér meiri sveigjanleika. Við hvetjum gjarnan viðskiptavini til að velja fremur eina „vöru“ en aðra, t.d. að bjóða fram og til baka fargjöld á betra verði en einnar leiðar fargjöld, og svo framvegis. Það er gert til þess að ná fram sem bestri nýtingu flugsæta,“ segir Guðjón Arngrímsson, talsmaður Icelandair, aðspurður ástæður þessar verðmunar.
Að verðleggja farmiða með þessum hætti hefur lengi tíðkast í ferðageiranum þó dregið hafi úr þessu með tilkomu lággjaldaflugfélaganna. Stjórnendur þeirra hafa nefnilega ekki tekið upp þennan sið og verðskrár margra hefðbundinna flugfélaga hafa lagað sig að breyttum markaði. Þannig borgar farþegi sem flýgur með SAS frá Kaupmannahöfn til London þann 9. nóvember það sama fyrir morgunflugið hvort sem hann kemur heim um kvöldið, næsta dag eða eftir nokkrar nætur. Sama á við hjá hinu hollenska KLM en hins vegar eru verðskrár British Airways og Lufthansa með álíka sniði og hjá Icelandair samkvæmt athugun Túrista.

108 þúsund króna verðmunur

Með aukinni samkeppni í flugi til og frá Íslandi þá bjóðast farþegum fleiri valkostir og til að mynda getur sá sem ætlar til London að morgni 9. nóvember og heim um kvöldið lækkað farið úr 127.505 kr. í 52.760 kr. með því að kaupa morgunflugið hjá WOW air en fljúga með Icelandair heim. Einnig er hægt að fljúga til Íslands frá London seinnipartinn með erlendum flugfélögum en þá verður dvölin í London mjög stutt og það er ólíklega fýsilegur kostur þar sem ferðalög til og frá flugvelli geta verið tímafrek o.s.frv.
En þrátt fyrir að í dag bjóði fimm flugfélög upp á áætlunarflug héðan til London þá hefur Icelandair verið það eina með kvöldflug frá London allan ársins hring. Brátt verður þess háttar einnig í boði hjá WOW air yfir lengra tímabil en áður og eins og staðan er í dag þá getur þessi aukna samkeppni lækkað ferðakostnaðinn hjá þeim sem þurfa út og heim aftur samdægurs. Þann 9. mars nk. kostar t.d. 19.997 krónur að fljúga með WOW báðar leiðir en sex sinnum meira með Icelandair eða 127.505 krónur. Þó ber að hafa í huga að sá sem kaupir svo dýran miða getur valið sér sæti á Economy Comfort farrými, má taka með sér tvær töskur, fær fría máltíð og getur gert breytingar á ferðaáætluninni en fyrir það borgar viðkomandi nærri 108 þúsund krónur aukalega. Farmiðaverð WOW air til London í mars er líka mjög lágt eins og sjá má á þessu dæmi hér að ofan. Á öðrum dögum er munurinn vafalítið minni en dagsetningarnar sem notaðar eru í þessum samanburði voru valdar af handahófi, sú fyrri er eftir 2 vikur (9. nóv) og sú seinni fjórum mánuðum síðar (9. mars).

Nýtt efni

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …