Samfélagsmiðlar

Vilja efla innanlandsflug frá Kaupmannahöfn fyrir ferðaþjónustuna

kaupmannahof farthegar

Það er ekki aðeins á Íslandi þar sem forkólfar ferðaþjónustunnar sjá tækifæri í eflingu innanlandsflugs. Það er ekki aðeins á Íslandi þar sem forkólfar ferðaþjónustunnar sjá tækifæri í eflingu innanlandsflugs.
Kaupmannahafnarflugvöllur er sá fjölfarnasti á Norðurlöndum en þaðan flugu 27 milljónir farþega í fyrra og þar af nýttu 1,6 milljónir sér innanlandsflugið. Sá hluti starfseminnar hefur hins vegar dregist saman síðustu ár en Thomas Woldbye, forstjóri flugvallarins, segist tilbúinn til að leggja um 10 milljónir danskra króna (rúmar 160 milljónir íslenskar) í sérstakan sjóð sem fjárfesta eigi í innanlandsfluginu. Í viðtali við Jótlandspóstinn segir Woldbye að með auknu innanlandsflugi þá fengju hinar dreifðari byggðir landsins að njóta vinsælda Kaupmannahafnar meðal ferðamanna. Í dag fljúgi túristar í höfuðborginni nefnilega sjaldan út á land og til að mynda er ekkert beint flug í boði milli Kastrup og H.C. Andersen flugvallar í Óðinsvéum. Á milli borganna tveggja keyra hins vegar lestir nokkrum sinnum á dag en þrátt fyrir það þá telur flugvallarstjórinn að það sé markaður fyrir aukið innanlandsflug innan Danmerkur.

Breytingar í farvatninu á Keflavíkurflugvelli

Líkt og kom fram í greinum Túrista í haust þá er það mat forkólfa ferðaaþjónustunnar á Norðurlandi og á hinum Norðurlöndunum að mikilvægt sé að tengja saman innanlands- og millilandsflug frá sömu flughöfn. En Keflavíkurflugvöllur nýtur þeirrar sérstöðu, meðal stærstu flugvalla Norðurlandanna, að vera sá eini þar sem allar vélarnar fljúga út í heim og farþegar á leið í innanlandsflug verða að færa sig yfir á annan flugvöll. Paavo Virkkunen, framkvæmdastjóri ferðamálaráðs Finnlands, öfundar starfsbærður sína hér á landi ekki af þessari stöðu. „Ég ímynda mér að það myndi valda alvarlegum skaða á ferðaþjónstuframboðinu ef það væri nauðsynlegt að skipta um flugvöll í Helsinki til að komast í innanlandsflug og það myndi því vera mikil áskorun að fást við það. Til allrar hamingju eru engar líkur á sú staða komi upp,” sagði Virkkunen m.a. í svari til Túrista
Staðan mun hins vegar batna töluvert í lok febrúar þegar beint heilsársflug Flugfélags Íslands milli Keflavíkurflugvallar og Akureyrar hefst en þetta verður í fyrsta skipti sem félagið býður upp á þessa flugleið utan háannatíma. 

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …