Aðstandendur ferðaritsins Lonley Planet birta árlega lista yfir þá lönd og borgir sem túristar ættu sérstaklega að leggja leið sína til á næstu misserum.
Þó sífellt bætist nýir áfangastaðir við leiðakerfi flugfélaganna á Keflavíkurflugvelli þá er aðeins flogið beint þaðan til tveggja af þeim tíu borgum sem eru á topplista Lonely Planet yfir ferðamannaborgir næsta árs. Og báðar eru þær í Bandaríkjunum. Los Angeles sem WOW flýgur til og Portland sem er einn þriggja áfangastaða Icelandair í norðvesturhluta N-Ameríku.
Ástæðurnar fyrir því að þessar borgir urðu fyrir valinu eru margvíslegar, til dæmis einhver sérstakir viðburðir, opnanir á sýningum og þess háttar eða bara bættar samgöngur líkt og í tilviki Los Angeles.
Helstu ferðamannaborgirnar 2017 að mati Lonely Planet:
- Bordeaux, Frakklandi
- Höfðaborg, S-Afríku
- Los Angeles, Bandaríkjunum
- Merida, Mexíkó
- Ohrid, Makedóníu
- Pistoia Ítalíu
- Seoul, S-Kóreu
- Lissabon, Portúgal
- Moskva, Rússlandi
- Portland Or., Bandaríkjunum
