Samfélagsmiðlar

Leggja niður beina flugið milli London og Egilsstaða

egilsstadaflugvollur

Eftirspurn eftir beinu flugi á Austurland reyndist mun minni en búist hafði verið við. Eftirspurn eftir beinu flugi á Austurland reyndist mun minni en búist hafði verið við.
Í sumar var boðið upp á beint flug milli London-Gatwick flugvallar og Egilsstaða. Upphaflega stóð til að fljúga samtals 35 ferðir frá vori og fram á haust en flugferðunum var hins vegar fækkað niður í 9 og voru þær allar farnar yfir hásumarið. Það voru forsvarsmenn Discover the World sem áttu frumkvæðið að þessu flugi en ferðaskrifstofan hefur í áratugi verið í fararbroddi í skipulagningu Íslandsferða frá Bretlandi. Clive Stacey, forstjóri og stofnandi Discover the World, segir að þó þeir sem hafi nýtt sér flugferðirnar í sumar hafi verið ánægðir með þjónstuna þá sé staðreyndin sú að viðtökurnar, bæði í Bretlandi og á Íslandi, hafi verið langtum minni en búist hefði verið við. Sætanýtingin hafi því ekki verið nægjanleg til að standa undir kostnaði við flugið. Stacey bendir jafnframt á að aukin tíðni ferða frá Bretlandi til Keflavíkurflugvallar á næsta ári og mjög samkeppnishæf fargjöld á breskum flugleiðum geri það að verkum að það yrði mjög erfitt að starfrækja viðbótarflug til Íslands. „Gengi krónunnar í samanburði við lækkandi pund gerir þetta líka mun erfiðara en ella.“

Áframhaldandi mikil eftirspurn eftir Íslandsferðum

Í fyrra komu hingað um 10 þúsund Bretar á vegum Discover the World og segir Stacey að þrátt fyrir allt þá gangi sala á Íslandsferðum vel og hann búist við að svo verði áfram. „Markmið okkar er að halda áfram að vinna með félögum okkar hjá Icelandair og WOW að því að selja ferðir um Austurland og aðrar dreifðar byggðir í tengslum við flug til Keflavíkurflugvallar,“ segir Stacey en segist um leið vera sannfærður um í framtíðinni verði beint flug frá Bretlandi og út á landsbyggðina fastur hluti af íslenskri ferðaþjónustu. „Kannski vorum við bara aðeins of snemma á ferðinni.“ Stacey bætir því við að ferðaþjónustan á Austurlandi eigi þakkir skildar fyrir stuðning við verkefnið í sumar þar á meðal samstarfsaðilarnir hjá Tanni Travel og Fjallasýn og starfsmenn Austurbrúar.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …