Samfélagsmiðlar

Bílastæðagjöld verði nýtt til álagsstýringar við ferðamannastaði

island jokulsarlon

Varaformaður Samtaka ferðaþjónustunnar segir bílastæðagjöldin sem boðuð eru í stjórnarsáttmálanum geta haft tækifæri í för með sér. Varaformaður Samtaka ferðaþjónustunnar segir bílastæðagjöldin sem boðuð eru í stjórnarsáttmálanum geta haft tækifæri í för með sér.
Í tíð síðustu ríkisstjórnar var sérstök gjaldtaka í ferðaþjónustu mikið rædd og þá sérstaklega svokallaður náttúrupassi. Umræðunni um hann lauk hins vegar þegar Ragnheiður Elín Árnadóttir, fyrrum ráðherra ferðamála, dróg frumvarp sitt um passann tilbaka vorið 2015. Í kjölfarið var hins vegar lagður 11 prósent virðisaukaskattur á ferðaþjónustufyrirtæki sem áður höfðu verið undanþegin skattinum. Í lok síðasta árs var svo gistináttagjaldið hækkað úr 100 krónum í 300 krónur og tekur sú breyting gildi 1. september nk.

Fylgjandi greiðslu fyrir gott stæði og boðleg salerni

Auknar álögur eru í farvatninu því í stjórnarsáttmála hinnar nýju ríkisstjórnar eru talað um „skynsamlega gjaldtöku“ í ferðaþjónustu og bílastæðagjöld nefnd sem dæmi um slíkt. Aðspurður um þetta væntanlega gjald segir Þórir Garðarsson, stjórnarformaður Gray Line og varaformaður Samtaka ferðaþjónustunnar, að samtökin hafi talað fyrir því að greitt sé fyrir virðisaukandi þjónustu og í því geti falist greiðsla fyrir gott bílastæði, boðleg salerni og fleira. „Það sem við viljum þó leggja áherslu á, komi til innheimtu bílastæðagjalda, að það verði einnig nýtt til álagsstýringar þar sem því verður við komið og nauðsyn kallar á.“ 

Útfærsla gjaldtökunnar á Þingvöllum vonbrigði

Dæmi um þess háttar álagsstýringu, að sögn Þóris, eru tímabundin bílastæði eða mismunandi gjald yfir daginn. Þá yrði dýrast að leggja á þeim tímum þar sem álagið er mest en jafnvel frítt þegar fáir eru á ferðinni. Þessi aðferð var hins vegar ekki notuð þegar bílastæðagjald var tekið upp á Þingvöllum í fyrra því þar er gjaldið alltaf það sama og greitt er fyrir einn sólarhring í einu. Þórir segir að sú útfærsla hafi valdið miklum vonbrigðum því ekki hefði veitt af því að nota að bílastæðagjöldin til að dreifa álaginu í þjóðgarðinum.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …