Samfélagsmiðlar

Áfram minnkar vægi íslenskra farþega Icelandair

Farþegafjöldinn hjá Icelandair hefur ríflega tvöfaldast síðustu 10 ár og hlutfall Íslendinga um borð fellur jafnt og þétt í takt við þessu auknu umsvif.

icelandair 767 757

Það lætur nærri að áttunda hvert sæti í þotum Icelandair sé skipað farþega sem byrjar ferðalagið á Íslandi. Hinir farþegarnir eru annað hvort ferðamenn á leið til landsins eða skiptifarþegar. Fyrir áratug síðan var skiptingin á milli þessara þriggja farþegahópa mjög jöfn en hallað hefur á þann íslenska síðustu ár eins og sjá má á súluritinum hér fyrir neðan. Helsta skýringin á þessari breytingu liggur í hröðum vexti Icelandair og litlum heimamarkaði. Félagið flutti til að mynda um 3,7 milljónir farþega í fyrra en þeir voru 1,6 milljónir árið 2007.

Íslenskum farþegum fækkað um 34 þúsund

Aukin samkeppni í flugi til og frá landinu hefur líka sitt að segja eins og sést þegar rýnt er í ársskýrslur Icelandair. Árið 2007 hafa 512 þúsund farþegar Icelandair komið frá heimamarkaðnum en sá hópur taldi 478 þúsund farþega í fyrra. Íslensku farþegunum hefur því fækkað um 34 þúsund síðastliðinn áratug en á sama tíma hefur heildarfarþegafjöldinn hjá Icelandair aukist um rúmlega tvær milljónir. Til samanburðar má nefna að árið 2007 voru það eingöngu Icelandair og Iceland Express sem buðu upp á heilsársflug til og frá Íslandi og yfir sumarmánðina bættist við Íslandsflug frá þremur erlendum flugfélögum. Síðastliðið sumar stunduðu hins vegar 19 erlend flugfélög Íslandsflug yfir sumarmánuðina og þeim fer áfram fjölgandi í ár.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …