Samfélagsmiðlar

Breytingar hjá Icelandair

Guðmundur Óskarsson tekur við sem framkvæmdastjóri sölu- og markaðssviðs Icelandair og Helgi Már Björgvinsson gengur til liðs við Icelandair Group.

icelandair stm

Guðmundur Óskarsson hefur verið ráðinn framkvæmdastjóri sölu- og markaðssviðs Icelandair. Hann kemur til Icelandair frá Flugfélagi Íslands þar sem hann hefur stýrt markaðs- og sölumálum frá seinasta hausti. Guðmundur tekur við starfinu af Helga Má Björgvinssyni sem mun flytja til Kaupmannahafnar í sumar með fjölskyldu sinni, þar sem eiginkona hans tekur til starfa hjá Sendiráði Íslands. Helgi mun verða með starfsstöð í Reykjavík og Kaupmannahöfn. Breytingarnar taka gildi 1. maí samkvæmt því sem segir í tilkynningu.

Báðir verið lengi hjá flugfélaginu

Helgi hóf störf hjá Icelandair í Bandaríkjunum árið 1999 sem yfirmaður Icelandair Holidays og síðar sem sölustjóri fyrir Bandaríkin og Kanada. Árið 2002 fluttist hann til London og tók við stöðu sölu- og markaðsstjóra fyrir Bretland og Írland og árið 2004 til Parísar sem svæðisstjóri fyrir Suður-Evrópu. Helgi tók við stöðu svæðisstjóra fyrir Bretland og Írland í maí 2007 en hefur verið framkvæmdastjóri sölu- og markaðssviðs Icelandair frá maí 2008. Helgi er með BS í markaðs- og stjórnunarfræði frá University of South Carolina í Columbia og meistarapróf í viðskiptafræði frá ESCP-EAP European School of Management í París.
Guðmundur hefur starfað hjá Flugfélagi Íslands frá seinasta hausti en starfaði áður hjá Icelandair frá árinu 2004, lengst af sem forstöðumaður markaðsmála og viðskiptaþróunar til haustsins 2016. Þar áður var hann markaðsstjóri Icelandair fyrir annars vegar Mið-Evrópu og hins vegar Skandinavíu í tvo ár hvort. Hann er með B.S. og B.A. gráður í Viðskiptafræði og Alþjóðasamskiptum frá Pennsylvanía State háskólanum og diplómagráðu frá Universität Leipzig í Þýskalandi.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …