Samfélagsmiðlar

Trump skapar vanda í bandarískri ferðaþjónustu

newyork loft Troy Jarrell

Hóteleigandinn Donald J. Trump sem nú fer með völdin í Hvíta húsin virðist ætla að gera fyrrum kollegum sínum í ferðageiranum lífið erfitt. Hóteleigandinn Donald J. Trump sem nú fer með völdin í Hvíta húsin virðist ætla að gera fyrrum kollegum sínum í ferðageiranum lífið erfitt.
Ferðafólki í Bandaríkjunum mun fækka um 8,2 prósent í ár samkvæmt nýrri spá og í New York er búist við því að í fyrsta skipti í sjö ár muni útlendingar draga úr heimsóknum sínum til borgarinnar. Í viðtali við New York Times dregur Ted Dixon, yfirmaður ferðamála borgarinnar, ekki dul á að ástæðan fyrir þessari neikvæðu þróun eru yfirlýsingar og stefna nýs Bandaríkjaforseta í málefnum útlendinga. Til að mynda ferðabannið umtalaða sem nær til íbúa sex ríkja í Asíu og Afríku en Dixon á von á því að evrópskum ferðamönnum fækki líka og það muni koma í ljós þegar háannatími í ferðamennsku hefjist um páskana. „Þá munum við sjá hvaða áhrif orðagjálfrið sem kemur frá Washington mun hafa á ferðaþjónustu.“
Í fyrra komu 12,7 milljónir erlendir túristar til New York en samkvæmt nýrri spá ferðamálayfirvalda þar í borg þá er búist við að þeim fækki um 300 þúsund í ár. Hins vegar er gert ráð fyrir að innlendum ferðamönnum í New York fari fjölgandi.

Trump fælir líka Íslendinga frá

Samdrátturinn annars staðar í Bandaríkjunum verður hlutfallslega ennþá meiri en í New York gangi spá fyrirtækisins Tourism Economics eftir. Samkvæmt þeim mun komum erlendra ferðamanna til Bandaríkjanna fækka um 6,3 milljónir næstu tvö ár í samanburði við árið 2016. „Við sjáum fram á mjög krefjandi ár fyrir bandaríska ferðaþjónustu,“ segir Adam Sacks, yfirmaður Tourism Economics í viðtali við New York Times. Máli sínu til stuðnins bendir hann á þá staðreynd að víða um heim hefur orðið verulegur samdráttur í netleitum eftir flugmiðum til Bandaríkjanna eftir að Trump tók við lyklavöldum í Hvíta húsinu. Og samkvæmt lesendakönnun Túrista þá segja 68 prósent lesenda að kjör Donald J. Trump og frammistaða hans í forsetaembætti hafi dregið úr áhuga þeirra á ferðalögum til Bandaríkjanna. 

Þegar Trump var kosinn forseti Bandaríkjanna bundu margir forsvarsmenn ferðamála í Bandaríkjunum vonir við að hann myndi sýna málefnum greinarinnar meiri skilning en forverar hans meðal annars vegna þess að Trump hefur verið stórtækur í hótelrekstri um langt skeið. 


 

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …