Samfélagsmiðlar

Mekka grænmetisfæðisins í Zurich

Á næsta ári eru 120 ár liðin frá opnun elsta grænmetisveitingastaðar heims. Viðskiptin hafa sennilega aldrei blómstrað eins vel og þau gera akkúrat núna.

hiltl zurich

Að gæða sér á Cordon Blue, kálfasteik með skinku, er klárlega eitt af því sem fjöldamargir ferðamenn í Zurich gæða sér á. Heimsókn á veitingastað Hiltl við Bahnhofstrasse er hins vegar líka skyldustopp fyrir þá sem vilja kynna sér matarkúltúr þessarar fjölmennustu borgar Sviss. Staðurinn hefur nefnilega sérhæft sig í grænmetisfæði allar götur frá árinu 1898 og ekkert veitingahús mun hafa verið jafn lengi í á þeirri línu.
Í dag er það fjórða kynslóð Hiltl ættarinnar sem er við stjórnvölinn og óhætt er að segja að gangurinn sé góður. Daglega borða nefnilega á veitingastöðum Hiltl á bilinu 2 til 5 þúsund manns og salan hefur aukist um helming síðustu ár og starfsmannafjöldinn margfaldast.

Grænmetisslátrari og bar

Og vinsældir Hiltl fara ekki framhjá þeim sem gengur inn á veitingastaðinn við Bahnhofstrasse því þar er bekkurinn oftast þéttskipaður. Þangað er fólk þó ekki bara komið til að borða heldur breytist staðurinn í einskonar klúbb þegar kvölda tekur. En það mun víst hafa reynt verulega á sambandið innan Hiltl ættarinnar þegar yngsta kynslóðin sótti um vínveitingaleyfi á sínum tíma og amman hneykslast víst enn á barnabörnunum.
Auk veitingastaðarins við eina þekktustu götu Zurich rekur Hiltl litla matvöruverslun þar sem hægt er kaupa tilbúna rétti sem margir hverjir líkjast kjötsteikum og pylsum enda hafa kannanir leitt í ljós að aðeins lítill hluti grænmetisæta segir skilið við kjöt vegna bragðsins eða áferðarinnar.
Icelandair býður upp á flug til Zurich allt árið en frá flugvellinum er aðeins stutt niður á aðallestarstöðina sem, eins og nafnið gefur til kynna, stendur við Bahnhofstrasse líkt og Hiltl.
Smelltu hér til að lesa vegvísi Túrista fyrir Zurich

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …