Samfélagsmiðlar

Airberlin greiði fyrirfram á Keflavíkurflugvelli

Flugstjórum Airberlin verður fylgt í hraðbanka á Genfarflugvelli við komuna þangað hafi vinnuveitendur þeirra ekki staðið skil á lendingargjöldunum. Nú verða stjórnendur flugfélagsins einnig að borga fyrirfram á Keflavíkurflugvelli.

Tólftu sumarvertíð Airberlin á Keflavíkurflugvelli er senn að ljúka en framtíð þess næststærsta flugfélags Þýskalands er óljós eftir að forsvarsmenn þess óskuðu eftir greiðslustöðvun í vikunni. Þýska ríkið hljóp undir bagga og veitti félaginu lán sem á að duga til rekstursins í þrjá mánuði eða svo og aðalkeppinauturinn, Lufthansa, íhugar að taka félagið upp á sína arma. Óvissan er engu að síður mikil og stjórnendur Genfarflugvallar hafa til að mynda farið fram á að Airberlin borgi lendingargjöld sín fyrirfram. Ef það er ekki gert verður flugstjórum félagsins fylgt í hraðbanka og þeir látnir taka út fyrir lendingargjöldunum sem nema  um 55 þúsund íslenskum krónum.
Að jafnaði lenda þotur Airberlin á Keflavíkurflugvelli tvisvar til þrisvar á dag á sumrin en í vetur er gert ráð fyrir nokkrum ferðum í hverri viku. Aðspurður um hvort Isavia ætli að fylgja fordæmi flugvallarstjórans í Genf segir Guðni Sigurðsson, upplýsingafulltrúi Isavia, í svari til Túrista, að frá og með mánudeginum þá verði Airberlin að greiða lendingargjöld sín eina viku fram í tímann miðað við flugáætlun.  En samkvæmt verðskrá Keflavíkurflugvallar þá kostar um 100 þúsund krónur að lenda miðlungsstórri farþegaþotu á Keflavíkurflugvelli.

Farþegar á eigin vegum ef kemur til gjaldþrots

Í dag er hægt að bóka farmiða héðan með Airberlin í allan vetur til bæði Berlínar og Dusseldorf en þar sem óvissa ríkir um reksturinn þá er töluverð áhætta fólgin í því að panta far langt fram í tímann með flugfélaginu. Stærstu neytendasamtök Danmerkur hafa því beint þeim tilmælum til sinna félagsmanna að bóka ekki farmiða með Airberlin. Farþegarnir eru nefnilega ekki öruggir með endurgreiðslu á miðanum ef reksturinn stöðvast líkt og Túristi greindi frá. Talskona Airberlin getur heldur engin svör veitt um framhald Íslandsflugsins.

Nýtt efni

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …