Samfélagsmiðlar

Fjórða flugfélagið hefur flug milli Íslands og New York

Í vor hefur United Airlines flug hingað frá Newark flugvelli og þar með bjóða tvö bandarísk flugfélög upp á ferðir hingað.

Evrópsku borgirnar Zurich, Edinborg, Porto og Reykjavík bætast við leiðakerfi bandaríska flugfélagsins United Airlines næsta sumar en flogið verður hingað daglega frá Newark flugvelli sem er skammt frá New York. Jómfrúarferðin frá Keflavíkurflugvelli er á dagskrá í lok maí og er ætlunin er að starfrækja flugleiðina fram í byrjun október samkvæmt tilkynningu frá flugfélaginu. Þar kemur fram að þotur United fari í loftið frá Newark klukkan hálf ellefu að kvöldi og lendi hér á landi tíu mínutur yfir átta morguninn eftir. Rétt fyrir hádegi snýr farþegaþotan svo aftur til Bandaríkjanna og lendir þar klukkan 14 að staðartíma.

Með tilkomu United Airlines geta farþegar á leið milli Íslands og New York valið á milli ferða fjögurra flugfélaga því í dag flýgur Delta Air Lines héðan til JFK flugvallar, WOW air  til Newark og þotur Icelandair fljúga til beggja þessara flugvalla. Ódýrasti farmiðinn með United, frá Íslandi, kostar í dag um 37 þúsund krónur samkvæmt bókunarvél félagsins. Það á til dæmis við um fyrstu ferðina héðan þann 24. maí og sá sem flýgur heim viku síðar greiðir 70.290 krónur fyrir báðar leiðir. Fyrir sömu daga kostar farið hjá Delta 61.225 krónur, 59.665 kr. hjá Icelandair og 54.997 kr. með WOW air. Innritaður farangur fylgir ódýrustu fargjöldunum hjá öllum flugfélögunum nema WOW air en þar þarf að borga 9.998 kr. aukalega fyrir innritaða tösku, báðar leiðir. Matur og áfengir drykkir fylgja einnig með ódýrustu miðunum hjá Delta og United.

 

 

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …