Samfélagsmiðlar

Ólöglegt að ákvarða laun út frá stærð flugfreyjubúningsins

Rússneskur dómstóll segir þjóðarflugfélagið ekki mega stýra verkefnum áhafnarmeðlima út frá fatastærð.

Áhafnarmeðlimir flugfélaganna í Skyteam bandalaginu. Flugfreyja Aeroflot er sú fimmta frá vinstri.

Þeim mun stærri sem einkennisfötin eru þeim mun minna fá flugfreyjurnar borgað. Það hefur alla vega verið óskráð regla hjá rússneska flugfélaginu Aeroflot ef marka má reynslu flugfreyjunnar Evgenia Magurina. Eftir sjö ára starf hjá félaginu hætti hún nefnilega að fá borgaða bónusa og var ekki lengur boðuð í millilandaflug sem er nokkru betur borgað en innanlandsflugið hjá Aeroflot. Vegna þessa lækkuðu laun hennar um 30 prósent og þegar Magurina óskaði skýringa á stöðunni fékk hún þau svör að hún stæðist einfaldlega ekki þær kröfur sem flugfélagið gerir til líkamsstærðar flugfreyja. En samkvæmt þeim mega freyjurnar ekki nota einkennisbúninga sem eru stærri en samsvarar evrópsku stærðinni 42. Þessi krafa virðist ekki vera neitt launungamál því á fréttamannafundi í apríl sagði talsmaður Aeroflot að útlit áhafnarmeðlima væri ein af ástæðunum fyrir því að farþegar félagsins væru reiðubúnir til að borga meira fyrir farmiðana. Máli sínu til stuðnings benti hann á að niðurstöður könnunar sýndu að 92 prósent viðskiptavina vilja að flugfreyjurnar klæðist einkennisbúningum í minni kantinum að því segir í frétt Guardian.

Magurina segist hafa orðið sármóðguð yfir þessum skýringum vinnuveitenda sinna og ákvað, ásamt starfssystur sinni, að stefna Aeroflot fyrir að ákvarða kjör starfsfólks út frá fatastærð. Málinu var í fyrstu vísað frá en í byrjun september féll loks dómur í málinu og samkvæmt honum verður Aeroflot að borga flugfreyjunum bætur sem jafngilda þeirri launalækkun sem þær hafa orðið fyrir síðustu misseri. Stjórnendur Aeroflot sendu í framhaldinu frá sér tilkynningu þar sem þeir segjast fagna dómnum þar sem hann staðfesti að reglur flugfélagsins mismuni ekki starfsfólki vegna aldurs, kyns, kynþáttar eða að nokkru öðru leyti. Þeir bættu því við að málinu yrði hugsanlega áfrýjað.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …