Samfélagsmiðlar

Jólabjórinn kostar það sama í ár

Sala á jólabjór er hafin í Fríhöfninni og verðið er óbreytt frá því í fyrra.

Þeir sem eiga leið um Fríhöfnina í Leifsstöð á næstunni geta kippt með sér jólabjór en sala á honum í Vínbúðunum hefst ekki fyrr en um miðjan nóvember. Í Fríhöfninni eru fáanlegar 10 mismunandi tegundir af jólaöli og þar af eru 8 sem einnig voru á boðstólum í fyrra. Verðið á þeim öllum er óbreytt frá því í fyrra samkvæmt athugun Túrista. Áfram er Egils Malt jólabjórinn ódýrastur en kippa af honum kostar 1.299 krónur en hins vegar er Giljagaur ekki lengur sá dýrasti. Einstök Winter hefur tekið við toppsætinu en kippa af honum er á 3.399 krónur. Önnur nýjung er Askasleikir frá Borg miðað við heimasíðu Fríhafnarinnar.

Líkt og verðkönnun Túrista í fyrra leiddi í ljós þá munar vanalega þriðjungi á útsöluverði Fríhafnarinnar og Vínbúðanna þegar kemur að jólabjór. Hins vegar verður úrvalið töluvert meira í síðarnefndu verslununum því þar verða á boðstólum meira en 50 tegundir. Það kemur svo í ljós þann 15. nóvember hvort verðmiðarnir á jólaölinu í Vínbúðunum verða þeir sömu og í fyrra líkt og raunin er í Fríhöfninni.

Eftir að reglum um tollfrjálsan varning flugfarþega var breytt þarsíðasta sumar þá mega viðskiptavinir Fríhafnarinnar nú taka með sér 18 lítra af bjór inn til landsins.

Uppfært: Í upphaflegri útgáfu kom fram að  Boli Doppelbock, Egils Gull jólabjór og Tuborg Julebrygg yrðu ekki á boðstólum og var það byggt vöruúrvalinu á heimasíðu Fríhafnarinnar. Þessar þrjár tegundir eru hins vegar væntanlegar í verslunina á næstunni.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …