Samfélagsmiðlar

Ráðherra ferðamála sver af sér hækkun á virðisaukaskatti

Þórdís Kolbrún Reykfjörð Gylfadóttir segir það ekki hafa verið sína hugmynd að tvöfalda virðisaukaskatt á ferðaþjónustu. Aðstoðarmaður fjármálaráðherra segir málið mega rekja til formanna stjórnarflokkanna.

„Það er sagt að einn maður hafi bjargað okkur upp úr hruninu og það er ferðamaðurinn,“ segir Þórdís Kolbrún, ráðherra ferðamála.

Áform fráfarandi ríkisstjórnar um að tvöfalda virðisaukaskatt á ferðaþjónustu hafa verið brennidepli allt frá því að þau voru kynnt í vetrarlok. Þá sagði Þórdís Kolbrún Reykfjörð Gylfadóttir, ráðherra ferðamála, að ekki væru lengur rök fyrir því að ferðaþjónustan fengi sérstakar undanþágur varðandi virðisaukaskatt. Það kvað hins vegar við nýjan tón í ræðu Þórdísar Kolbrúnar á Ferðamálaþingi í vikunni þar sem hún sagði skattabreytinguna ekki hafa verið draumatillögu frá sínum bæjardyrum séð. „Þessi áform um að færa ferðaþjónustuna í hið almenna þrep voru ekki mín hugmynd. Þau urðu ekki til á mínu borði,“ sagði Þórdís svo í viðtali við Fréttablaðið á föstudaginn.

Auk Þórdísar Kolbrúnar var það Benedikt Jóhannessson, fjármálaráðherra, sem mælti með og varði hækkun virðisaukaskatts á ferðaþjónustu. Aðspurður um hvort fjármálaráðherra sé, öfugt við ferðamálaráðherrann, ennþá sannfærður um ágæti hækkunarinnar þá segir Gylfi Ólafsson, aðstoðarmaður Benedikts Jóhannesssonar, að málið eigi uppruna sinn hjá leiðtogum stjórnaflokkanna. „Tillagan varð til á borði formanna stjórnarflokkanna þar sem skoðaðar voru ýmsar leiðir til að setja aukinn pening í velferðarmál og innviðauppbyggingu, en á sama tíma skila afgangi til niðurgreiðslu skulda og einfalda skattkerfið. Fjármálaráðherra hafði svo það hlutverk að útfæra og kynna niðurstöðuna,” segir í svari Gylfa. „Það var alltaf ljóst að niðurstaðan yrði hvorki áferðarfalleg né óumdeild.”

Upphaflega stóð til að færa ferðaþjónustuna upp í hæsta þrep virðisaukaskatts um mitt næsta ári en því var svo frestað fram til ársbyrjunnar 2019. „Þegar fjárhagur ríkisins breyttist – einkum vegna uppgreiðslu erlends láns – varð úr að hægt var að fresta gildistöku breytingarinnar til 2019 og það er sú tillaga sem unnið er með nú. Hagfræðingar og erlendar stofnanir sem skoðað hafa tillögurnar eru sammála um að afnám skattaívilnunnar ferðaþjónustunnar sé skref í rétta átt. Ýmsar aðrar leiðir hafa verið skoðaðar og verða skoðaðar, þ.m.t. komugjöld. Þá eru í undirbúningi mótvægisaðgerðir sem sérstaklega eiga að taka á vanda byggða sem ekki hafa séð sama vöxt í ferðaþjónustu og höfuðborgarsvæðið,” segir Gylfi.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …