Samfélagsmiðlar

Færri bóka far til Barcelona

Ferðaþjónustan í Barcelona finnur fyrir samdrætti enda hefur dregið töluvert úr ferðapöntunum til Katalóníu síðustu vikur. Frá Íslandi má komast fyrir lítið til borgarinnar á næstunni.

barcelonna Camille Minouflet

Barcelona hefur lengi verið ein vinsælasta ferðamannaborg Evrópu en nú horfa margir ferðalangar annað.

Það hefur verið róstursamt í Barcelona undanfarna mánuði og óvissa ríkir um framtíð Katalóníu innan Spánar. Það hefur auðvitað viðamikil áhrif og ekki síst á ferðaþjónustu landsins enda hefur Katalonía verið sá hluti Spánar sem mestrar hylli hefur notið meðal erlendra ferðamanna. Fjórði hver túristi sem átti leið um Spán í fyrra fór um Katalóníu og til að mynda bókuðu útlendingar um helmingi fleiri gistingar Barcelona á síðasta ári en í höfuðborginni Madríd. Og gestunum hefur farið hratt fjölgandi síðustu ár enda hefur spænsk ferðaþjónusta notið góðs af því að ástandið í löndum eins og Tyrklandi og Egyptalandi, og Grikklandi á tímabili, hefur verið óstöðugt. 

Nú er hins vegar hægt að segja það sama um stöðuna í Katalóníu. Í ágúst var framið mannskætt hryðjuverk á Römblunni og undanfarið hafa birst myndir í heimspressunni af lögreglufólki að berja á mótmælendum. Og nú eru ráðamenn í Katalóníu eftirlýstir af spænskum yfirvöldum og íbúar svæðisins hafa efnt til allsherjarverkfalla. Allt þetta hefur orðið til þess að í október fækkaði bókunum útlendinga á ferðalögum til Katalóníu um 22 prósent samkvæmt úttekt greiningafyrirtækisins ForwardKeys sem Politiken segir frá. Í grein danska blaðsins segir jafnframt hóteleigendur í Barcelona verði varir við samdrátt og afbókanir á ráðstefnum. Eins munu skipafyrirtæki vera farin að íhuga aðra viðkomustaði fyrir skemmtiferðaskipin sín. Danskur heimamaður í höfuðstað Kataloníu, sem Politiken ræddi við, segir hins vegar að borgin sé öruggur staður til að vera á fyrir ferðamenn og þeir séu reyndar fjölmargir í borginni núna sem endranær. Og þó þeim fækki eitthvað þá hefði það ekki mikil áhrif enda hefur borgin verið það vinsæl meðal ferðalanga að heimamönnum hefur þótt nóg um. Sérstaklega hefur mikil útbreiðsla Airbnb í borginni valdið óánægju og til að mynda var það eitt helsta kosningaloforð núverandi borgarstjóri Barcelona að hefta útbreiðslu heimagistingar fyrir ferðamenn.

Og af fargjöldunum frá Íslandi til Barcelona í vetur að dæma þá hefur eitthvað dregið úr áhuga Íslendinga á ferðum til borgarinnar. Þannig er hægt að fljúga beint til Barcelona næstu daga fyrir lítið með bæði WOW air og Norwegian. Hjá WOW air kosta ódýrustu farmiðarnir til borgarinnar á bilinu 6 til 11 þúsund krónur en farið er vanalega á 7.400 krónur hjá Norwegian. Heimferðin er stundum dýrari og eins ber að hafa í huga að innritaður farangur fylgir ekki þessum lægstu fargjöldum. Hér er hægt að bera saman fargjöld félaganna.

Samkvæmt hótelleit HotelsCombined er um 60% af gistirými bókað í Barcelona næstu helgar en til samanburðar er hlutfallið 70% í París.

 

 

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …