Samfélagsmiðlar

Ennþá ósamið um flug við Rússa

Ætli íslensk flugfélög að fljúga í rússneskri lofthelgi verður að ganga frá sérstökum samningi um yfirflug við Rússa. Viðræður hófust í sumarbyrjun en ekkert samkomulag er í höfn.

flug danist soh

Ein af forsendunum fyrir því að íslensk flugfélög geti hafið áætlunarflug til Austurlanda fjær er að samningar takist við rússnesk stjórnvöld um leyfi til að fljúga yfir landið og þannig komast stystu leiðina til áfangastaða í Kína, Japan, S-Kóreu og fleiri landa í þessum heimshluta. Viðræður milli íslenska og rússneskra stjórnvalda um þess háttar samkomulag áttu sér stað í Moskvu í sumarbyrjun og aftur í Reykjavík haust en ennþá er ekkert samkomulag í höfn samkvæmt svari frá utanríkisráðuneytinu við fyrirspurn Túrista.

Það er hins vegar ekki nóg að íslenskir ráðamenn nái samkomulagi um yfirflug við Rússa því flugfélögin verða sjálf að gera álíka samning hvert fyrir sig í framhaldinu. Og samkvæmt heimildum Túrista þá eru líkur á því að Rússar setji það sem skilyrði að viðkomandi flugfélag hefji fyrst áætlunarflug til Rússlands og sýni fram á þeirri flugleið verði haldið úti í lengri tíma. Í framhaldinu ættu rússnesk yfirfvöld vera tilbúin til að gefa samþykki sitt fyrir yfirflugi en miðað við hvað samningaviðræður stjórnvalda hafa tekið langan tíma verður að teljast ólíklegt að Icelandair eða WOW nái að hefja flug til Austurlanda fjær á næstu misserum. En Skúli Mogensen, forstjóri WOW air, hefur gefið það út að félagið stefni á áætlunarflug til Asíu á næsta ári.

Hingað til er Icelandair er eina flugfélagið sem haldið hefur úti áætlunarferðum hefur milli Íslands og Rússlands en sumarið 2013 og 2014 bauð félagið upp á flug til Sankti Pétursborgar. Í sumar ætla hins vegar forsvarsmenn rússneska flugfélagsins S7 að spreyta sig á Íslandsflugi og bjóða upp á vikulegar ferðir hingað frá Moskvu. Auk þess munu íslensku flugfélögin bjóða upp á stakar ferðir til Rússlands í tengslum við HM í knattspyrnu karla en þess háttar ferðir eru ekki háðar sérstöku samþykki frá yfirvöldum í Kreml. Jafnvel þó að loftferðasamningar milli Íslands og Rússlands takmarkist við að hámarki 7 ferðir í viku milli Íslands og Rússlands og þá aðeins til Moskvu, Sankti Pétursborgar, Sochi, Vladivostok eða Kaliningrad.

En auk þess að leika í Moskvu spilar íslenska liðið einnig í Rostov og Volgograd og bjóða íslensku flugfélögin nú ferðir þangað. Hins vegar gætu þau ekki hafið áætlunarflug til þessara tveggja borga nema loftferðasamningurinn við Rússa yrði útvíkkaður.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …