Samfélagsmiðlar

Farþegum fjölgaði mest á Akureyrarflugvelli

Fleiri fóru um stærstu innanlandsflugvelli landsins í fyrra og farþegafjöldinn var í heildina álíka og árið 2011.

flugvel innanlands isavia

Rétt um 25 þúsund fleiri farþegar fóru um innanlandsflugvellina í fyrra og þar af var aukningin langmest á Akureyrarflugvelli og nam hún nærri 17 þúsund farþegum. Á Reykjavíkurflugvelli fjölgaði farþegum um liðlega 8 þúsund en á Egilsstöðum um rúmlega tvö þúsund. Hins vegar fækkaði flugfarþegum á öðrum innanlandsflugvöllum álíka mikið og sem nam aukningunni á Egilsstöðum. Þetta kemur fram í flugtölum Isavia sem ná aftur til ársins 2011 en í þeim er umferðin eftir minni flugvöllunum tekin saman í eina stærð. Í heildina nam farþegafjöldinn á innanlandsflugvöllunum rétt um 822 þúsundum í fyrra en til samanburðar var hann nærri 835 þúsund árið 2011.

Aukningin á Akureyrarflugvelli í fyrra var um helmingi meiri en árið á undan og þar með fór fjöldi flugfarþega fyrir norðan á ný yfir 200 þúsund en það gerðist síðast árið 2011. Í febrúar í fyrra hófst nýtt áætlunarflug Air Iceland Connect milli Akureyrar og Keflavíkur, í tengslum við millilandaflug, sem skýrir væntanlega hluta af þessari miklu aukningu fyrir norðan. Gera má ráð fyrir að farþegafjöldinn þar taki ennþá stærra stökk í ár enda stendur nú breska ferðaskrifstofan Super Break fyrir beinu leiguflugi frá nokkrum breskum borgum til Akureyrar. Aukningin verður þó ekki eins mikil og gera mátti ráð fyrir því tvisvar sinnum hafa flugstjórar þotanna hætt við að lenda á Akureyri vegna veður og því haldið til Keflavíkurflugvallar. Þar með eru farþegarnir skráðir þar en ekki fyrir norðan.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …