Samfélagsmiðlar

Bílaleigubílarnir ekki lengur langdýrastir við Leifsstöð

Verðskrár íslenskra bílaleiga eru ekki lengur í sérflokki í Evrópu þó þær séu ennþá hæstar. Fyrir íslenska ferðamenn er orðið mun ódýrara að leigja bíl út í heimi.

island vegur ferdinand stohr

Ferðamaður sem var á leið til Íslands sumarið 2015 og bókaði sér bílaleigubíl í febrúar það ár þurfti að borga að lágmarki 123 þúsund fyrir bíl af minnstu gerð í tvær vikur. Sá sem er í sömu sporum í dag greiðir hins vegar rétt um 76 þúsund krónur fyrir sambærilegan bíl. Verðlækkunin nemur um 38% en hún er þó minni í erlendum gjaldeyri þar sem krónan hefur styrkst verulega síðustu þrjú ár. Þannig hefur verðlagið á íslensku bílaleigunum lækkað um 24% í evrum en 17% í dollurum ef miðað er við gengið í febrúar 2015 og aftur í dag. Þrátt fyrir verðlækkunina er leiguverðið á bílaleigunum við Flugstöð Leifs Eiríkssonar hærra en annars staðar í Evrópu samkvæmt samanburði Túrista sem nær til 12 flugvalla í álfunni.

Þessi mikla verðlækkun hér á landi á sér nokkurn aðdraganda því könnun Túrista, í lok síðasta vetrar, leiddi í ljós að sumarverðskrá bílaleiganna við Keflavíkurflugvöll hafði lækkað umtalsvert frá árunum 2015 og 2016. Sú þróun hefur haldið áfram í ár.

Vegna styrkingar krónunnar er líka orðið miklu hagstæðara fyrir íslenska ferðamenn að leigja bíl út í heimi eins og sjá má á súluritinu hér fyrir neðan. Þannig hefur meðalverðið lækkað um helming á bílaleigunum í Alicante á Spáni og álíka mikið við Gatwick flugvöll í London. Það hefur hins vegar hækkað umtalsvert við Arlanda í Stokkhólmi en þar og í Ósló eru bílaleigubílarnir dýrastir þegar leiguverðið við Keflavíkurflugvöll er frátalið.

Í verðkönnunum Túrista er fundið við leiguverð á ódýrasta bílaleigubílnum við hverja flugstöð fyrir sig og miðað er við tveggja vikna leigutíma í júní, júlí og ágúst og reiknað út meðalverð á dag. Notast er við leitarvél Rentalcars.com sem er ein umsvifamesta bókunarsíða heims á þessu sviði og býður því oft lægra verð en almennt gerist. Þannig kostar ódýrasti bílaleigubíllinn á Keflavíkurflugvelli seinni hlutann í júlí rúmlega 86 þúsund skv. Rentalcars en ef bókað er beint hjá Hertz er verðið að lágmarki 139.200 og 154.599 hjá Avis. Þess má geta að verðskrár þessara tveggja bílaleigufyrirtækja hafa líka lækkað verulega frá því í febrúar 2015. Þá kostaði ódýrasti bíllinn hjá Hertz 198.800 kr. og 214.300 hjá Avis. Í öllum tilvikum er ótakmarkaður akstur og kaskótrygging innifalin í verðinu.

Nýtt efni

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum …

Veitingahúsarekstur á Íslandi getur verið töluverður barningur: Vaktafyrirkomulag er kostnaðarsamt og launin vega mjög þungt í rekstri, verð á hráefni er hátt og opinber gjöld ekki síður, einkum á áfengi. Veitingamenn bíða eins og aðrir að gengið verði frá kjarasamningum og það verði hægt að gera einhverjar áætlanir fram í tímann.  Þegar launin sem greiða …

Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …