Samfélagsmiðlar

Óvissa um þróun fargjalda í millilandafluginu

Forstjóri Icelandair Group segir vöxt félagsins á síðasta ári hafa verið arðbæran og að bókunarstöðuna sé góð á fyrri helmingi ársins. Hins vegar endurspegli afkomuspáin óvissu á markaðnum. Hlutfall íslenskra tekna hefur dregist saman milli ára.

icelandair 767 757

Hagnaður af rekstri Icelandair Group á síðasta ári nam 3,9 milljörðum króna en fyrirtækið tapaði rétt rúmlega þeirri upphæð, eða 4,1 milljarði, á síðasta ársfjórðungi ársins samkvæmt uppgjöri félagsins sem birt var í lok föstudags. Í tilkynningu frá Icelandair er haft eftir Björgólfi Jóhannssyni forstjóra að afkoma ársins hafi verið í takt við seinustu afkomuspá fyrirtækisins. „Arðbær vöxtur félagsins heldur áfram og sterk fjárhagsstaða og sveigjanleiki gera okkur kleift að bregðast við aðstæðum og grípa ný og spennandi tækifæri á markaði. Icelandair flutti rúmlega fjórar milljónir farþega í millilandaflugi á árinu og hafa þeir aldrei verið fleiri.“

Björgólfur bætir því við að samkeppni sé mikil á öllum mörkuðum. „Bókunarstaða í millilandaflugi er góð á fyrri árshelmingi en töluverð óvissa er á síðari hluta ársins, einkum hvað varðar þróun meðalfargjalda. Afkomuspá félagsins fyrir árið 2018 endurspeglar þessa óvissu en gert er ráð fyrir að EBITDA ársins verði 170-190 milljónir USD,“ segir Björgólfur í tilkynningu.

Af uppgjöri Icelandair fyrir 2017 má sjá að farþegatekjur Icelandair jukust um rúm 8% frá því í hittifyrra en til samanburðar fjölgaði farþegum í millilandaflugi um 10%. Það segir þó ekki alla söguna því farmiðasala í innanlandsflugi og leiguflugi eru líklega hluti heildartölunni. Upplýsingar um þróun fargjalda hjá Icelandair koma ekki skýrt fram í uppgjörinu en til að mynda er hægt að nálgast þess háttar gögn í uppgjöri flugfélagsins SAS. Þar lækkuðu tekjurnar á hvern farþega um 3% fram í lok október í fyrra.

Lækkun á meðalfargjöldum um örfá prósentustig hefur töluverð áhrif á tekjur flugfélaga, til dæmis lækka tekjur Icelandair um 1,6 milljarða ef flugfélagið flýgur með álíka marga í ár og í fyrra um leið og meðalfargjaldið lækkar um 400 krónur. Tekjutapið yrði þá 4 milljarðar ef farmiðinn lækkar um eitt þúsund krónur að jafnaði. Á móti kemur að eftirspurn gæti aukist í takt við lækkandi fargjöld.

Í uppgjöri Icelandair kemur jafnframt fram að vægi Íslands í rekstri Icelandair Group hefur dregist saman þegar litið er til tekna. Árið 2016 kom fjórðungur tekna fyrirtækisins frá Íslandi en hlutfallið fór niður í 22% í fyrra. Bandaríkjamarkaður vegur langþyngst og hefur vægi hans aukist úr 37% í 39% milli ára.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …