Samfélagsmiðlar

Hætta Íslandsflugi frá Prag

Í fyrsta sinn síðan að Wizz Air hóf að fljúga hingað til lands leggur félagið niður flugleið til Keflavíkurflugvallar. Meginástæðan er þó ekki skortur á eftirspurn eftir flugi milli Íslands og Tékklands.

Reykjavík verður einn þeirra áfangastaða sem ungverska flugfélagið Wizz Air ætlar að sinna frá nýrri starfsstöð sinni í Vínarborg á næsta ári. En liður í því að koma starfseminni í gang í austurrísku höfuðborginni er að flytja flugvélar og áhafnir frá nokkrum öðrum evrópskum flughöfnum. Þar á meðal frá Vaclav Havel flugvellinum í Prag en þaðan hefur Wizz Air boðið upp á áætlunarflug til níu borga, þar á meðal Reykjavíkur. Síðasta ferðin er á dagskrá þann 13. júní næstkomandi.

Þar með verður Czech Airlines eina flugfélagið sem flýgur milli Tékklands og Íslands en áætlun þess takmarkast við sumarmánuðina á meðan Wizz Air hefur haldið úti fluginu í allan vetur. 

Áætlunarflug frá Keflavíkurflugvelli til Prag á sér þó ekki langa sögu því bæði Wizz Air og Czech Airlines fóru sínar jómfrúarferðir í fyrra. Wizz Air um vorið og hið síðarnefnda í sumarbyrjun. Í framhaldinu fjölgaði tékkneskum hótelnóttum hér á landi 47% en ennþá liggja ekki fyrir tölur Hagstofunnar um gistinætur tékkneskra ferðamanna annars staðar en á hótelum. Tékkar eru ekki taldir sérstaklega í talningum Ferðamálastofu við vopnaleitina í Leifsstöð.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …