Samfélagsmiðlar

Eigandi British Airways skoðar yfirtöku á Norwegian

Hlutabréf í Norwegian hafa hækkað um 44% síðustu klukkutíma eftir að mikill áhugi á að taka félagið yfir spurðist út.

Viðskipti með hlutabréf í Norwegian voru stöðvuð í norsku kauphöllinni í morgun eftir að fréttaveita Bloomberg News sagði frá því að IAG, móðurfélag British Airways og fleiri flugfélaga, ætti orðið nærri 5% hlut í norska lággjaldaflugfélaginu og væri að skoða að gera tilboð í allt félagið. Í kjölfarið gaf IAG út tilkynningu þar fram kemur að Norwegian sé álitlegur fjárfestingakostur en ekki hafi verið tekin nein ákvörðun um að bjóða í allt hlutafé norska lággjaldaflugfélagsins.

Þetta mál hefur fengið mikla athygli í skandinavísku viðkskiptapressunni í dag og í frétt norska blaðsins Dagens Næringsliv kemur fram að hugsanlegt tilboð IAG í Norwegian gæti hljómað upp á um 23 milljarða norskra króna. Það er aðeins nokkur hundruð milljónum króna meira en Norwegian skuldar í dag. IAG væri því fyrst og fremst að taka yfir skuldir og þyrfti því ekki að leggja mikið út fyrir því að eignast Norwegian. En rekstur félagsins hefur gengið illa síðustu misseri enda hefur það verið í mikilli útrás og þá aðallega tengdri flugi yfir Atlantshafið frá Skandinavíu, Bretlandi og Frakklandi. Haft er eftir Bjørn Kjos, forstjóra og stofnanda Norwegian, að boða IAG hljómi hlægilega og því verði aldrei tekið. Hann viðurkennir að hafi ekki vitað að IAG væri að kaupa upp hluti í flugfélaginu.

Þess má geta að IAG á ekki aðeins British Airways heldur líka spænsku flugfélögin Iberia, Iberia Express og Vueling. Auk hins írska Aer Lingus.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …