Samfélagsmiðlar

Íslendingarnir fylltu ríflega 70 farþegaþotur

Dagana fram að páskum þá fljúga ríflega 2 þúsund Íslendingar á dag til útlanda. Í fyrra var ferðagleðin aðeins meiri og það skrifast kannski á þá staðreynt að þá voru páskarnir síðar á ferðinni.

Edinborg og Orlando voru tvær af þeim borgum sem nutu mestrar hylli yfir páskana hjá farþegum WOW air og Icelandair.

Fréttir af fullum bílastæðum við Flugstöð Leifs Eiríkssonar voru áberandi í fréttum fyrir páskana í fyrra og aftur núna. Og þessi mikla ásókn í stæðin segir sitt um hversu margir Íslendingar halda út í heim á þessum tíma árs enda eru það aðallega ökutæki heimamanna sem lagt er á þessu risastóra bílaplani norður af flugstöðinni. Í fyrra voru páskarnir í apríl og því vor í lofti bæði Evrópu og N-Ameríku og í þeim mánuði fóru samtals 62 þúsund Íslendingar til útlanda. Aldrei áður höfðu svo margir verið á ferðinni í einum mánuði ef frá er talinn júní í hittifyrra þegar fólksflutningar á EM í Frakklandi stóðu yfir. Í nýliðnum mars fóru hins vegar nokkru færri Íslendingar út í heim eða nærri 57 þúsund farþegar.

En þegar aðeins er litið til brottfara Íslendinga í vikunni fyrir páskadag þá kemur í ljós að 10. til 15. apríl í fyrra þá innrituðu 14.357 Íslendingar sig í flug frá Keflavíkurflugvelli en þessa sex daga fyrir páskadaginn í ár voru íslensku farþegarnir 13.315 talsins samkvæmt tölum frá Ferðamálastofu. Það hefur því þurft rétt rúmlega 70 hefðbundnar farþegaþotur til að flytja alla Íslendinga út í heim fyrir páska en til samanburðar þá var boðið upp á nærri 400 áætlunarferðir frá Keflavíkurflugvelli þessa sömu daga. Íslendingarnir hafa þá fyllt um fimmtu hverju þotu.

Icelandair og WOW air stóðu undir langstærstum hluta þessara flugferða en það voru hins vegar mismunandi borgir sem nutu mestrar hylli hjá íslenskum farþegum flugfélaganna tveggja líkt og Túristi greindi frá.

 

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …