Samfélagsmiðlar

Fleiri íslenskir túristar til Berlínar

Áfram fjölgar þeim Íslendingum sem heimsækja höfuðborg Þýskalands.

berlin sumar

Það styttist í að veðrið verði svona gott í Berlín.

Það eru sífellt fleiri hér á landi sem nýta sér hinar góðu flugsamgöngur sem í boði eru til Berlínar. Íslenskum ferðamönnum þar í bæ fer nefnilega ört fjölgandi og í fyrra keyptu Íslendingar nærri 44 þúsund gistinætur í borginni. Það er aukning um 11, 5 prósent samkvæmt uppgjöri ferðamálaráðs Berlínar.

Að jafnaði gistu íslensku ferðamennirnir í 3,2 nætur í borginni en að jafnaði gistu Evrópumenn í borginni í 2,7 nætur og dvalartími Íslendinganna var því langt yfir meðaltalinu. Og reyndar eru það aðeins Kýpverjar sem dvelja þar lengur en Íslendingar. Áður fyrr var hægt að skrifa þessa löngu dvöl á lítið framboð á flugi héðan til Berlínar yfir vetrarmánuðina en á því hefur orðið mikil breyting. WOW air flýgur nú til Berlínar sjö sinnum í viku og Icelandair hóf að fljúga þangað í lok síðasta árs, í kjölfar gjaldþrots Airberlin. Yfir sumarið bætist svo við flug Eurowings frá Tegel. En þangað fljúga líka þotur Icelandair á meðan WOW air heldur til á Schönefeld í austurhluta Berlínar.

Frá og með haustinu 2020 er hins vegar stefnt að því allir þeir sem fljúga til borgarinnar lendi á sama stað. Þá er nefnilega ætlunin að taka í notkun Brandenburg flugstöðina sem stendur við flugbrautirnar hjá Schönefeld. Upphaflega áttu fyrstu farþegarnir að fara þar um í október 2011 en vegna hönnunargalla og annarra vandræða þá hefur ekki tekist að reka smiðshöggið á bygginguna.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …