Samfélagsmiðlar

Líkur á að ferðafólki hafi fækkað í mars

Fjöldi þeirra útlendinga sem flaug frá landinu í mars jókst lítillega en miðað við skekkjurnar í talningunni þá gæti ferðamönnum í raun hafa fækkað.

Island seljalandsfoss taylor leopold

Um 173 þúsund erlendir flugfarþegar flugu frá Keflavíkurflugvelli í mars sem er fjölgun um rúmlega 5 þúsund farþega frá sama tíma í fyrra. Hlutfallslega nam aukningin 3 prósentum sem er miklu minni viðbót en sést hefur í talningu Ferðamálastofu um langt skeið. Og með hliðsjón af þeirri skekkju sem er í talningunni þá má gera ráð fyrir ferðafólkinu hafi í raun fækkað. Þannig sýndi könnun sem Isavia gerði síðastliðið sumar að 14% af erlendu brottfararfarþegunum voru útlendingar búsettir á Íslandi, sjálftengifarþegar eða flugfarþegar sem stoppuðu aðeins yfir dagspart og gistu ekki. Hlutfall þessara hópa var samtals 8% í könnun sem gerð var í nóvember.

Hvort það sama eigi við núna í lok vetrar er ekki hægt að segja til um en gera má ráð fyrir að hlutfallið sé ennþá hátt. Þannig fjölgaði Pólverjum langmest í hausum talið í mars, eða um 3148, en þar eru mjög líklega á ferðinni Pólverjar sem búsettir eru hér á landi í lengri eða skemmri tíma.

Þessi skekkja var örugglega líka til staðar í talningunni í mars í fyrra en ef við gefum okkur að fjöldi sjálftengifarþega aukist í takt við aukna flugumferð, líkt og gerðist síðastliðið sumar, þá hefur hlutfall þeirra farþega hækkað sem aðeins stoppuðu á Íslandi til að tengja á milli flugferða ólíkra flugfélaga. En þessir farþegar eru teknir með í talningu Ferðamálastofu þar sem þeir fara í gegnum vopnaleitina. Talningin nær hins vegar ekki til þeirra Breta sem flugu beint úr heimabyggð til Akureyrar í mars á vegum bresku ferðaskrifstofunnar Super Break.

Að lokum verður ekki horft framhjá því að Íslendingar búsettir í útlöndum eru í raun ferðamenn hér á landi þó þeir séu taldir sem íslenskir farþegar. En fjöldi íslenskra farþega jókst um 38,9% sem skrifast að miklu leyti á þá staðreynd að í ár voru páskarnir í mars en í apríl í fyrra. Og þar sem talningin fer fram þegar fólk flýgur frá landinu þá eru þeir útlendingar sem dvöldu hér um páskana ekki með í tölunum fyrir mars.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …