Samfélagsmiðlar

Samtarf um alþjóðlegar ráðstefnur tengdar háskólunum

Setja aukinn kraft í samstarf um að fá til höfuðborgarinnar fleiri akademíska fundi og ráðstefnur. Algengt er að þeir sem ferðast hingað vegna fundarhalda framlengi dvölinni.

Rektorar háskólanna þriggja Ari Kristinn Jónsson rektor HR, Jón Atli Benediktsson rektor HÍ og Fríða Björk Ingvarsdóttir rektor LHÍ undirrituðu samkomulagið ásamt Þorsteini Erni Guðmundssyni framkvæmdastjóra Meet in Reykjavík og Degi B. Eggertssyni borgarstjóra.

Samkomulag Ráðstefnuborgarinnar Reykjavík, Meet in Reykjavík, við rektora Háskóla Íslands, Háskólans í Reykjavík og Listaháskóla Íslands var undirrituð í vikunni. Markmiðið með samstarfinu er að fjölga alþjóðlegum akademískum fundum og ráðstefnum á vegum háskólanna hér á landi.

Meet in Reykjavík mun aðstoða starfsfólk háskólanna og samstarfsaðila þeirra við undirbúning, upplýsingaöflun og tilboðsgerð fyrir alþjóðlega fundi og ráðstefnur sem tengjast háskólunum með einhverjum hætti. Kannanir hafa sýnt að ráðstefnugestir hér á landi dvelja að jafnaði um 6 daga á landi og í 8 af hverjum 10 tilfellum heimsækja þeir landið utan háannatíma í ferðaþjónustunni. Hin langi dvalartími helgast meðal annars af því að það mun vera nokkru algengara hér, en víða annars staðar, að þeir sem sækja ráðstefnu til Íslands framlengi dvölina hér á landi.

Í tilkynningu er haft eftir Þorsteini Erni Guðmundssyni, framkvæmdastjóra Meet in Reykjavík, að samningurinn sé mikilvægt skref í að efla Reykjavík sem alþjólega ráðstefnuborg. „Við höfum átt ágætt samstarf við háskólanna undanfarin ár en nú viljum við setja aukinn kraft í samstarfið og fara í markvissari leit að verkefnum sem henta áfangastaðnum og háskólasamfélaginu hér á landi.“

Dagur B. Eggertsson borgarstjóri segir öfluga funda og ráðstefnuferðaþjónustu styðja við markmið borgarinnar um fjölbreytt og öflugt atvinnulíf. „Við viljum byggja upp borgina sem háskólaborg og sem þekkingarsamfélag. Umhverfi þar sem fyrirtæki hafi góð tækifæri til að vaxa og dafna. Það má því segja að mörg markmið komi heim og saman í því samstarfi nú hefur verið undirritað.
Samkvæmt upplýsingum frá Meet in Reykjavik þá eru tekjur af hverjum ráðstefnugesti eu að jafnaði um tvöfalt hærri á hverja gistinótt en af hefðbundnum ferðamanni.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …