Samfélagsmiðlar

Hætta við að hætta við Keflavíkurflug frá Akureyri

Air Iceland Connect ætlar að taka upp þráðinn í haust og halda áfram að bjóða upp á beint flug frá Akureyri til Keflavíkurflugvallar.

flugfelag islands

Norðlendingar munu áfram geta flogið frá Akureyri í morgunsárið og lent við Leifsstöð nógu tímanlega til að fljúga þaðan beint út í heim. Forsvarsmenn Air Iceland Connect höfðu tilkynnt að þessum ferðum yrði hætt nú í vor en nú hefur verið tekin ákvörðun um að gera aðeins hlé yfir sumarið. Fyrstu ferðirnar vetrarins verða strax í byrjun október, í tengslum við Vestnorden ferðakaupstefnuna, og flogið verður fjórum sinnum í viku.

Sem fyrr er flugáætlunin byggð upp í kringum morgunflugin frá Keflavíkurflugvelli og því er brottför frá Akureyri árla dags. Flogið verður aftur norður seinni partinn. Air Iceland Connect mun að þessu sinni nota flugvélar af tegundinni Bombardier Q200 í þessar áætlunarferðir en þær eru nokkru minni en Q400 flugvélarnar sem hafa verið nýttar í ferðirnar frá því að þær hófust í ársbyrjun í fyrra.

Líkt og áður hefur komið fram þá mæltist Keflavíkurflugið frá Akureyri vel fyrir meðal heimamanna fyrir norðan en fjöldi erlendra ferðamanna í fluginu stóð ekki undir væntingum. En sem fyrr segir verða minni flugvélar notaðar í ferðirnar að þessu sinni og sætanýtingin ætti því að öllu óbreyttu að verða mun betri.

 

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …