Samfélagsmiðlar

Nú beint flug til heimaborgar Budweiser

Áætlunarflug WOW air til St. Louis er hafið. Þekktasti bjórframleiðandi Bandaríkjanna rekur uppruna sinn til borgarinnar.

Helsta kennileiti St. Louis er The Gateway Arch.

Nítjánda fjölmennasta borg Bandaríkjanna bættist við leiðakerfi WOW air í gær en þá fór félagið sína fyrstu ferð til St. Louis í Missouri fylki. Hér eftir verður flogið fjórum sinnum í viku, á mánudögum, þriðjudögum, fimmtudögum og laugardögum í Airbus A321 vél flugfélagsins. Flugtíminn er rétt rúmar sjö klukkustundir en lent er í St Louis klukkan 19:50 að staðartíma.

„Við höfum fundið fyrir miklum áhuga fyrir þessari flugleið frá almenningi í St. Louis. Við erum vel í stakk búin að taka á móti gestum víðs vegar að til þess að upplífa allt sem borgin hefur upp á að bjóða,“ segir Rhonda Hamm-Niebruegge, framkvæmdastjóri St. Louis Lambert International flugvallar, í tilkynningu.

St. Louis tilheyrir Missouri og liggur meðfram Mississippi ánni. Borgin var stofnuð af Frökkum árið 1764 og heldur fast í sínar frönsku rætur en þær má greina í arkitektúr og öðrum þáttum borgarlífsins. Fyrir unnendur klassískra kvikmynda má nefna að rómantíska söngvamyndin „Meet me in St. Louis“ frá 1944, með Judy Garland í aðalhlutverki, gerist þar. Borgin er líka þekkt sem heimaborg Budweiser bjórsins en bruggun á honum hófst í St. Louis fyrir 142 árum síðan.

St. Louis er tólfti áfangastaður WOW air í Bandaríkjunum en þeir verða samtals 13 í lok maí. Stutt er síðan áfangastaðirnir Detroit, Cleveland og Cincinnati bættust við leiðarkerfi WOW air.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …