Samfélagsmiðlar

Sólarlandaferðir seljast ekki í Skandinavíu

Á meðan utanlandsferðir rokseljast á Íslandi þá kvarta ferðafrömuðir á hinum Norðurlöndunum yfir slæmri sölu jafnvel þó verðið hafi lækkað umtalsvert. Það er veðurfarið sem hefur svona mikið að segja um eftirspurnina.

Miðjarðarhafið freistar ekki Svía þessa dagana sem kjósa heldur að synda í sænskum sjó.

Veðrið hefur leikið við íbúa á meginlandi Evrópu síðustu vikur og í nágrannalöndunum hefur hitinn ekki farið undir 20 gráður síðastliðinn hálfan mánuð. En á meðan frændþjóðirnar eru fyrir löngu komnar í sumarfötin er fólk hér á landi ennþá að kappklætt. Og þetta óvenju slæma vorveður hefur ýtt rækilega undir sölu á sólarlandaferðum frá Íslandi eins og kom fram í kvöldfréttum Stöðvar 2 í gær. Þar var haft eftir Þórunni Reynisdóttur, forstjóra Ferðaskrifstofu Íslands, að sífellt fleiri kjósi hreinlega að flýja land þegar veðrið er svona slæmt. „Maí er búinn að vera sérstaklega góður og veturinn líka. Ef veðrið heldur áfram að vera svona slæmt eiginlega bara allan ársins hring eigum við góðan möguleika á að vera þokkalega stór í sólarlandaferðum í ár,“ segir Þórunn. Undir þetta tók Tómas J. Gestsson, forstjóri Heimsferða.

Staðan á hinum Norðurlöndunum er þveröfug. Þar seljast nefnilega ekki sólarlandaferðir og skrifast það á bongóblíðuna sem hefur verið alls ráðandi síðustu tvær vikurnar. Muna heimamenn varla eftir öðrum eins hita á þessum tíma árs. Alla vega ekki svona marga daga í röð og langtímaspáin gerir ráð fyrir óbreyttu ástandi. Af þessum sökum bjóðast í dag óvenju ódýrar sólarlandaferðir frá Skandinavíu og í sænsku pressunni er talað um að ferðirnar suður á bóginn seljist nú víða með helmings afslætti. Ódýrasta sólarlandaferðirnar sem Túristi hefur fundið frá Stokkhólmi og Kaupmannahöfn, í þessari viku, kosta rétt um 13 þúsund íslenskar krónur og innifalið er flug og gisting í eina viku við gríska sandströnd.

TENGDAR GREINAR: 72 tíma útsala á hótelgistingu

 

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …