Samfélagsmiðlar

Fá flugfélög á Keflavíkurflugvelli í hættu

Flugfélög sem ekki voru rekin með hagnaði í fyrra eiga sér ekki langa framtíð að mati forstjóra Ryanair. Samkvæmt þessari einföldu skilgreiningu þá ætti bróðurpartur þeirra flugfélaga sem fljúga til og frá landinu ekki að vera í vanda. Sum þeirra eru reyndar einkahlutafélög og birta jafnvel ekki upplýsingar um afkomuna.

Michael O´Leary forstjóri Ryanair.

Olíutunnan kostar í dag um áttatíu dollara sem er tvöfalt hærra verð en greiða þurfti í ársbyrjun 2016. Í fyrra var olíuverðið að jafnaði um helmingi lægra en það er í dag og því er almennt spáð að verðið haldi áfram að hækka, meðal annars vegna mikillar spennu í samskiptum Írana og Bandaríkjamanna.

Kaup á þotueldsneyti vegur þungt í rekstri flugfélaga og getur hlutfallið verið allt að fjórðungur af öllum kostnaði fyrirtækjanna. Af þessum sökum telur Michael O’Leary, forstjóri írska flugfélagsins Ryanair, að veturinn verði mörgum evrópskum flugfélögum erfiður og sérstaklega þeim sem ekki voru rekin með hagnaði í fyrra þegar olíuverði var miklu lægra en það er í dag. Þetta kom fram í viðtalið við O’Leary á CNBC í gær og Viðskiptablaðið hefur sagt frá.

Þetta er ekki í fyrsta sinn sem hinn opinskái forstjórinn gefur út dánarvottorð fyrir samkeppnisaðilana. Hann reyndist hafa rétt fyrir sér varðandi hið breska Monarch sem fór í þrot í fyrra og tók nærri því með sér íslensku Kortaþjónustuna í fallinu. O’Leary þreytist heldur ekki á því að lýsa því yfir að hann telji skuldastöðu Norwegian óviðráðanlega en norska lággjaldaflugfélagið er nokkuð stórtækt á Keflavíkurflugvelli og hefur síðustu mánuði boðið upp á áætlunarflug hingað frá þremur spænskum flugvöllum, tveimur í Noregi, Stokkhólmi og London. Rætist spá O’Leary myndi að öllu óbreyttu draga þónokkuð úr framboði á flugi hingað og þá sérstaklega vetrarferðunum yfir á meginland Spánar. Norwegian er þó ennþá í loftinu og nú reyna stjórnendur IAG, móðurfélags British Airways, að taka þetta stærsta flugfélag Norðurlanda yfir.

Í viðtalinu við CNBC tilgreinir O’Leary einnig hið ítalska Alitalia og TAP frá Portúgal sem flugfélög sem eigi sér ekki langa framtíð. En sem fyrr segir er mælistika Írans kjaftfora sú að flugfélög sem ekki voru rekin með afgangi í fyrra eigi erfiðan vetur framundan. Og eins og hér má sjá þá skiluðu flest þeirra flugfélaga sem fljúga til og frá Keflavíkurflugvelli hagnaði í fyrra. Nokkur af fyrirtækjunum eru reyndar einkafélög og birta ekki alltaf opinberlega tölur um afkomuna.

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …