Samfélagsmiðlar

Hætta flugi til Orly í París

Frá og með lokum október leggjast af ferðir Icelandair til Orly en félagið bætir í framboðið til Charles de Gaulle í staðinn.

orly paris

Frá Orly flugvelli við París.

París hefur lengi verið vegamikill hluti af leiðakerfi Icelandair og síðustu ár hafa þotur félagsins flogið tvisvar til þrisvar á dag til Charles de Gaulle flugvallar. Þrátt fyrir ferðafjöldann þá var íslenska flugfélagið lengi á biðlista eftir afgreiðslutímum á Orly flugvelli í norðurhluta borgarinnar. Sá er líka þéttsetinn en þegar rússneska flugfélagið Transaero varð gjaldþrota í árslok 2015 fékk Icelandair lendingarleyfi félagsins og hóf flug til Orly vorið eftir. Síðustu tvö ár ár hefur flugfélagið boðið upp á allt að sex ferðir í viku til Orly og hafa þær verið hrein viðbót við flugið til Charles de Gaulle.

Í lok október næstkomandi verður flugleiðin til Orly hins vegar lögð niður. Guðjón Arngrímsson, talsmaður Icelandair, segir helstu ástæðuna fyrir þessum breytingum vera þá að reynslan hafi gefið til kynna að flug til Charles de Gaulle gefi betri raun og þá sérstaklega þegar kemur að Bandaríkjamarkaði. En Icelandair hefur bætt verulega í flugið vestur um haf og er í dag næst umsvifamesta evrópska flugfélagið í N-Ameríku í áfangastöðum talið. Guðjón segir að framboð á flugsætum með Icelandair til Charles de Gaulle verði aukið í vetur um nærri 40 prósent og þá aðallega með því að nota stærri þotur í flugið.

Auk Icelandair býður WOW air upp á flug til Charles de Gaulle allt árið um kring og yfir sumarið býður Transavia upp á næturflug héðan til Orly. Flughöfnin er því ennþá hluti af því úrvali sem farþegum á Keflavíkurflugvelli stendur til boða. En frá Orly er framboð á innanlandsflugi mikið.

Á sama tíma og Icelandair hættir flugi til Orly flugvallar þá hefur félagið flug til þýsku borgarinnar Dusseldorf.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …