Samfélagsmiðlar

Bestu Evrópulöndin fyrir grænmetisætur

Ferðafólk sem ekki borðar kjöt er líklegast til að finna góðan mat í Sviss en úrvalið er minnst í Portúgal.

hiltl zurich

Hiltl við Bahnhofstrasse í Zurich hefur sérhæft sig í grænmetisfærði allar götur síðan árið 1898.

Þeir sem ekki borða kjöt eru ekki lengur jaðarhópur en úrvalið af grænmetisfæði getur engu að síður verið takmarkað á matseðlum veitingahúsa og skyndibitastaða. Og þar sem sem matarupplifunin er stór hluti af ferðalaginu þá er það auðvitað miður. Ný úttekt bresku vefsíðunnar Eco experts getur hins vegar reynst grænmetisætunum gagnleg því þar eru má sjá í hvaða Evrópulönd standa sig best þegar kemur að matseld úr öðru en kjötmeti og sjávarafurðum.

Niðurstaðan er sú að hvergi er úrvalið meira en í Sviss en minnst er það í Portúgal. Ísland var ekki með í könnuninni. Þar voru löndin vegin og metin eftir fjölda veitingastaða sem sérhæfa sig í grænmetisfæði, árlegri neyslu landsmanna á kjöti og meðalverði á kílói af nautakjöti.

Þess má geta að þeir sem vilja gera sér ferð til Sviss geta valið úr áætlunarferðum héðan til þriggja borga þar í landi. Icelandair flýgur allt árið til Zurich og yfir sumarið til Genfar. Þangað flýgur líka easyJet og það flugfélag býður einnig upp á ferðir milli Basel og Íslands.

Landakort The Eco Experts sýnir í hvaða Evrópulöndum það er einfaldast að ferðast um fyrir grænmetisætur í leit að góðum mat.

Map showing the best country to be vegetarian in Europe

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …