Samfélagsmiðlar

Heimagisting í sókn á landsbyggðinni

Fyrstu fimm mánuði ársins fækkaði gistinóttum í óskráðri gistingu um 11 þúsund í Reykjavík. Hins vegar fjölgaði nóttunum í öðrum landshlutum um 54 þúsund.

Frá Seyðisfirði. Á Austurlandi hefur hlutfallslega orðið mest aukning í sölu á heimagistingu í ár.

Samanlögð umsvif gistimiðlananna Airbnb og Homeaway jukust hér á landi um 8 prósent á tímabilinu janúar til maí í ár samkvæmt mati Hagstofunnar á gistinóttum utan hefðbundinnar talningar. Hagstofan birtir nú mánaðarlega áætlun sína á svokallaðri óskráði gistingu og þegar tölurnar fyrir fyrstu fimm mánuði ársins eru greindar eftir landshlutum kemur í ljós að þróunin hefur verið mjög ólík milli höfuðborgar og landsbyggðar.

Í Reykjavík og nágrenni fækkaði nefnilega gistinóttunum í seldri heimagistingu um 3 þrjú prósent en þeim fjölgaði umtalsvert á landsbyggðinni. Hlutfallslega var aukningin mest á Austurlandi þar sem hún nam um 57 prósentum og viðbótin var aðeins minni á Vesturlandi og Vestfjörðum.

Á sama tímabili fækkaði hótelnóttum á Austurlandi um 3% en fjölgaði um 12% á Vesturlandi og Vestfjörðum. Ekki er hægt að greina umsvifin í óskráðu gistingunni eftir þjóðernum á vef Hagstofunnar en á Mælaborði ferðaþjónustunnar má sjá að fimmti hver ferðamaður frá Norður-Ameríku segist gista í heimagistingu sem greitt er fyrir. Hlutfallið er lægri hjá ferðamönnum frá öðrum heimshlutum.

Hafa ber í huga að þó heimagistingin sé flokkuð sem óskráð þá er hluti hennar engu að síður með leyfi. Hlutfallið er þó líklega ekki hátt því gistikostir á vegum Airbnb munu vera um 5 þúsund hér á landi en útgefin leyfi aðeins 1.330 í dag.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …