Samfélagsmiðlar

Mikilvægt fyrir ferðaþjónustuna að rekstur íslensku flugfélaganna gangi vel

Framkvæmdastjóri Samtaka ferðaþjónustunnar segir að erlend flugfélög myndu ekki sinna farþegaflutningum til og frá landinu með sama hætti og þau íslensku gera.

Jóhannes Þór Skúlason, framkvæmdastjóri Samtaka ferðaþjónustunnar.

„Það er því að sjálfsögðu áhyggjuefni fyrir ferðaþjónustuna í heild ef rekstur íslensku flugfélaganna gengur illa þar sem þau standa undir svo stórum hluta farþegaflutninga til landsins sem raun ber vitni,“ segir Jóhannes Þór Skúlason, framkvæmdastjóri Samtaka ferðaþjónustunnar, aðspurður um þá stöðu sem komin er upp í íslenskum flugrekstri.

Í síðustu viku bárust fréttir af versnandi afkomu Icelandair og forsvarsmenn WOW air gáfu út að flugfélagið hafi verið rekið með rúmlega 2,3 milljarða tapi í fyrra. Túristi hefur ekki fengið svör við þeirri spurningu hvort afkoma þessa árs verði betri eða verri. Það er hins vegar staðreynd að rekstur flugfélaga gengur almennt verr í ár og þar vegur þungt hið ört hækkandi olíuverð.

Þó flugfélögunum á Keflavíkurflugvelli hafi farið fjölgandi síðustu ár þá standa Icelandair og WOW air undir nærri 8 af hverjum 10 áætlunarferðum frá landinu. Jóhannes segir það mikilvægt fyrir ferðaþjónustuna að íslensk flugfélög séu sterk á markaðnum því það er ljóst að erlend flugfélög nálgast farþegaflutninga til Íslands út frá öðrum forsendum. „Erlend flugfélög myndu væntanlega aldrei stíga inn í sams konar fyrirkomulag með Keflavíkurflugvöll sem starfsstöð, ef illa færi. Því er mikilvægt fyrir ferðaþjónustuna að rekstur íslensku félaganna gangi vel,“ bætir hann við.

Á meðan flugmálayfirvöld í nágrannalöndunum birta mörg hver mánaðarlegar upplýsingar um þróun í farþegaflugi eftir flugleiðum og jafnvel flugfélögum þá eru þessar upplýsingar ekki opinberar hér á landi. Túristi hefur kært þessa stefnu Isavia til úrskurðarnefndar upplýsingamála. Aðspurður um hvort Samtök ferðaþjónustunanr telji upplýsingagjöf flugfélaganna og flugmálayfirvalda nægjanlega góða þá segir Jóhannes að það sé almennt séð betra að hafa meiri upplýsingar en minni. „Það má í þessu sambandi ítreka það sem SAF og fleiri hafa bent á að allt of lítil áhersla er lögð á upplýsingaöflun og rannsóknir tengdar ferðaþjónustu í dag.“

TENGDAR GREINAR: 10 spurningar sem er ósvarað um snúna stöðu íslensku flugfélaganna

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …