Samfélagsmiðlar

Hlutfall skiptifarþega á Keflavíkurflugvelli rauk upp

Á meðan fjöldi komu- og brottfararfarþega stendur nánast í stað þá fjölgar þeim sem aðeins stoppa í Flugstöð Leifs Eiríkssonar á milli flugferða.

Sífellt fleiri farþegar nýta Keflavíkurflugvöll til að millilenda á leið sinni yfir hafið.

Í júnímánuði hefur látið nærri að einn af hverjum þremur farþegum í Leifsstöð séu svokallaðir tengifarþegar. Það er fólk sem kemur hingað í flugi frá Norður-Ameríku eða Evrópu og heldur svo ferð sinni áfram yfir hafið nokkrum klukkutímum síðar. Í júní í fyrra fór hlutfall þess hóps hins vegar upp í 37,5 prósent en í nýliðnum júní rauk vægi skiptifarþeganna upp í 44,2 prósent.

Skýringuna á þessari miklu breytingu má meðal annars rekja til þess að komu- og brottfararfarþegum fjölgaði mjög lítið í síðasta mánuði. Því mátti rekja nærri alla aukninguna í síðasta mánuði til skiptifarþeganna en þó ber að hafa í hug að þeir eru taldir tvisvar sinnum í hverri ferð. Það þýðir að farþegi sem flýgur hingað frá Berlín og svo beint áfram til Boston er talinn tvisvar sinnum á leiðinni vestur um haf og aftur tvisvar þegar hann snýr heim.

Gera má ráð fyrir að hlutfall skiptifarþega hafi í verið nokkru hærra en 44,2 prósent í júní síðastliðnum því svokallaðar sjálftengifarþegar eru líklega sjaldnast taldir sem slíkir þar sem flugfélögin skrá þá sem komu- og brottfararfarþega. Skýringin á því er sú að þessir tengifarþegar eru á eigin vegum, fljúga kannski til landsins með bandarísku flugfélagi og halda svo áfram stuttu síðar með evrópsku flugfélagi.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …