Samfélagsmiðlar

Neytendafrömuður nær sáttum við Icelandair

Farþegum í Kaupmannahafnarflugi Icelandair í sumar var ekki tilkynnt um að þeir ættu rétt á bótum vegna mikilllar seinkunar á brottför. Um borð var einn þekktasti málsvari neytenda í Danmörku og sá hefur nú fengið 100 þúsund króna bótagreiðslu frá flugfélaginu.

Vagn Jelsøe.

Þegar Daninn Vagn Jelsøe ætlaði að fljúga héðan og heim til Kaupmannahafnar í júlí sl. þá seinkaði brottför Icelandair um meira en þrjá klukkutíma. Flugfélagið var því bótaskylt gagnvart farþegunum en starfsmenn þess upplýstu þó farþegana ekki um réttindi þeirra. Það þótti fyrrnefndum Jelsøe ámælisvert en hann þekkir vel réttindi flugfarþega enda í forsvari fyrir Forbrugerrådet, ein stærstu neytendasamtök Danmerkur.

Jelsøe tók því málið upp þegar heim til Danmerkur var komið og var meðal annars fjallað um það í dönskum fjölmiðlum. Benti hann til að mynda á að þær upplýsingar sem finna má á heimasíðu íslenska flugfélagsins um réttindi flugfarþega væru ekki í samræmi við evrópskar reglur. Hvað sem því líður hefur Icelandair engu að síður fallist á að greiða Jelsøe þær bætur sem hann á rétt á samkvæmt fyrrnefndum reglum og nema þær um 100 þúsund krónum fyrir hann og maka.

Í viðtali við ferðaritið Standby segir Jelsøe að hann geri sér grein fyrir því að hin skjóta afgreiðsla á bótagreiðslunni megi jafnvel rekja til stöðu hans og þá athygli sem það fékk. Hann ítrekar að flugfélög séu almennt erfið í samskiptum þegar kemur að bótagreiðslum vegna seinkana og því þurfi farþegarnir sjálfir að fylgja málunum eftir.

Nýtt efni

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …