Samfélagsmiðlar

Veita ítarlegri upplýsingar um stöðu WOW air

Tveimur blaðsíðum hefur verið bætt við kynninguna á umtöluðu skuldabréfaútboði íslenska flugfélagsins. Þar kemur í fyrsta sinn fram hver niðurstaða rekstrarins var á seinni hluta síðasta árs.

wow gma Friðrik Örn Hjaltested

Í fyrra var tap af rekstri WOW air upp á nærri 2,4 milljarða króna en flugfélagið var þó réttum megin við núllið á seinni helmingi ársins. Þá var rekstrarhagnaðurinn rétt um milljarður króna (10 milljónir dollara) og á seinni hluta þessa árs er gert ráð fyrir nærri þrefalt meiri hagnaði eða 2,8 milljarða króna afgangi (26 milljónir). Skýringin á bættri afkomu skýrist meðal annars af 9,1% hærri einingatekjum (RASK) á meðan einingakostnaður (CASK) stendur í stað.

Í viðtali við RÚV í vikunni sagði Skúli Mogensen, forstjóri og eigandi WOW, að svokallaðar hliðartekjur félagsins næmu nú 57 dollurum (6.100 kr.) á hvern farþega sem væri há tala miðað við samkeppnisaðilana. Benti Skúli jafnframt á að framlegð af sölu á aukaþjónustu væri hærri en af sölu stakra farmiða.

Íslensku félögin töpuðu um 2 milljörðum á mánuði

Þessar upplýsingar um afkomuna seinni sex mánuðina í fyrra og í ár er nú að finna í uppfærðu skjali á heimasíðu fjármálafyrirtækisins Pareto sem sér um útboð á skuldabréfum upp á 6 til 12 milljarða fyrir íslenska flugfélagið. Áður var upplýsingagjöfin takmörkuð við síðustu 12 mánuði, þ.e. 1. júlí 2017 til 30. júní 2018, en á því tímabili er tapið af rekstri WOW um 4,8 milljarðar króna. Sem fyrr segir liggur núna fyrir að seinni sex mánuðina í fyrra var hagnaðurinn um milljarður og það þýðir að fyrstu sex mánuði þessa árs hefur WOW tapað um 5,8 milljörðum en til samanburðar nam tapið hjá Icelandair um 6,3 milljörðum. Íslensku flugfélögin tvö hafa því samanlagt tapað um 2 milljörðum á mánuði á fyrri helmingi þessa árs. Hafa ber í huga að rekstur flugfélaga er almennt þungur á því tímabili og hagnaðurinn mestur á þriðja ársfjórðungi.

Nærri helmingi lægri kostnaður en hjá Icelandair

Tölur um afkomu WOW á seinni hluta þessa árs og í fyrra eru ekki eina viðbótin í skuldabréfakynningunni. Þar kemur einnig fram að einingakostnaður WOW (CASK) er um helmingi lægri en hjá Icelandair. Kostnaður á hvern floginn kílómetra er nefnilega 4,8 sent á dollara en 9 hjá Icelandair. Bilið á milli félaganna er þó aðeins minna ef eldsneytiskostnaður er tekinn með og skýringuna á því er líklega að finna í þeirri staðreynd að Icelandair kaupir töluvert af sínu þotueldsneyti fram í tímann en WOW air ekki. Og í dag þegar olíuverð fer hækkandi þá er fyrri leiðin hagstæðari. Á þessari nýju glæru er einnig að finna einingakostnað fleiri flugfélaga eins og er hann oftar en ekki hærri hjá hinum flugfélögunum en hjá WOW air. Viðbót 26.ágúst: Glæran um einingakostnað flugfélaganna hefur verið fjarlægð þar sem útreikningar á kostnaði Icelandair innihéldu allan rekstur Icelandair Group, t.d. hótelrekstur, ferðaþjónustustarfsemi og fleira. Raunverulegur einingakostaður Icelandair mun því vera lægri en fram kom.

Í viðtali við Túrista í mars árið 2015 þá tjáði Skúli Mogensen, forstjóri og eigandi WOW air, sig um einingakostnað WOW air og sagði að hann hefðir verið 7,3 sent á dollara árið 2014 en stefnt væri á 5,5 sent árið 2015. Af þeim tölum að dæma þá hefur flugfélagið náð fram töluverði hagræðingu þrátt fyrir styrkingu krónu og hærri launakostnað.

 

Nýju glærurnar í kynningu á skuldabréfaútboði WOW:

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …