Samfélagsmiðlar

SAS í meðbyr

Stjórnendur skandinavíska flugfélagsins reikna með að hagnaðurinn af rekstrinum verði meiri en upphaflega var gert ráð fyrir.

sas 860 a

Fyrir nærri sex árum síðan lögðu stjórnendur SAS fram áætlun um hvernig mætti bjarga félaginu frá gjaldþroti. Stór hluti af þessu plani var breyting á kjörum starfsmanna félagsins sem sættust á að lægri laun, lengri vinnutíma, breytt orlofsréttindi og hærri lífeyrisaldur. Flugfélagið seldi jafnframt eignir og þar á meðal verðmæt lendingaleyfi á Heathrow flugvelli í London.

Í dag er staða SAS allt önnur og betri því í morgun kynnti forstjóri félagsins uppgjör fyrir þriðja ársfjórðung (maí til júlí) og niðurstaðan er hagnaður upp á nærri 24 milljarða íslenskra króna. Þetta er einn besti ársfjórðungurinn í sögu SAS og niðurstaðan umfram væntingar. Búist er við að hagnaður ársins verði sömuleiðis meiri en upphaflega var gert ráð fyrir.

Þessi mikli viðsnúningur hjá SAS skrifast meðal annars á þá staðreynd að meðalfargjöldin hjá félaginu hækkuðu um nærri 7 af hundraði. Það hefur þó ekki allt gengið eins og í sögu hjá SAS undanfarið því tilraun félagsins til að flytja hluta af starfseminni til Írlands hefur ekki gengið sem skildi og hefur þurft að seinka fjöldamörgum flugferðum í sumar vegna þess. Forstjóri SAS baðst afsökunar á þessum truflunum í flugi félagsins í morgun. Forsvarsmenn flugfélagsins gera ráð fyrir að fargjöld hækki ennþá meira á næstunni og rekja það til hækkandi olíuverðs. „Þegar þotueldsneytið hækkar um helming þá getur maður ekki gert ráð fyrir ódýrum flugmiðum,“ hafði DN í Noregi eftir Torbjørn M. Wist, fjármálastjóra SAS, í morgun.

SAS býður upp á beint flug til Íslands frá Ósló og Kaupmannahöfn allt árið um kring.

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …