Samfélagsmiðlar

Taka upp þráðinn með Tyrklandsferðir

Norræna ferðaskrifstofan Nazar gerði hlé á starfsemi sinni hér á landi í fyrra en boðar komu sína á markaðinn á ný. Þá jafnvel með Grikklandsferðir einnig.

nazar c

Kemal Yamanlar, framkvæmdastjóri Nazar.

Sumarið 2014 hóf ferðaskrifstofan Nazar að selja sólarlandaferðir héðan til Antalya í Tyrklandi. Fyrsta árið flugu á þriðja þúsund Íslendingar með Nazar til Tyrklands og ennþá fleiri árið eftir. Hrina hryðjuverka og tilraun til valdaráns í landinu urðu hins vegar til þess að eftirspurn eftir Tyrklandsferðum snarminnkaði í hittifyrra. Í kjölfarið dró Nazar saman seglin hér á landi og hefur ekki boðið upp á Tyrklandsreisur héðan síðustu sumur.

Forsvarsfólk ferðaskrifstofunnar hefur þó ekki afskrifað íslenska markaðinn. „Við munum byrja að nýju á Íslandi frá og með sumrinum 2020. Við metum það sem svo að ennþá geri margir fyrirvara við austurhluta Miðjarðarhafsins jafnvel þó Tyrklandsferðir hafi náð vinsældum á ný meðal annarra Norðurlandaþjóða fyrr en við hefðum getað látið okkur dreyma um. Við trúum því að Ísland verði einnig á þeim stað þegar við byrjum á þarnæsta ári,“ segir Kemal Yamanlar, framkvæmdastjóri Nazar.

Að sögn Yamanlar þá hefur fjöldið Íslendinga ferðast með Nazar til Tyrklands frá Kaupmannahöfn síðustu sumur og segist hann ánægður með að ferðaskrifstofan eigi sér marga trygga viðskiptavini á Íslandi. „Við vonumst jafnframt til þess að geta boðið Íslendingum upp á nýjan áfangastað í Grikklandi en eigum eftir að finna lausn á fluginu þangað.“

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …