Samfélagsmiðlar

Frá Icelandair til Íslandsstofu

Íslandsstofa stendur á tímamótum segir stjórnarformaður stofnunarinnar og í gær var tilkynnt um ráðningu nýs framkvæmdastjóra.

Pétur Þ. Óskarsson nýr framkvæmdastjóri Íslandstofu. Eitt af hlutverkum stofnunarinnar er að laða erlenda ferðamenn til landsins.

Pétur Þ. Óskarsson, framkvæmdastjóri Samskiptasviðs Icelandair Group, mun taka við stjórn Íslandsstofu af Jóni Ásbergssyni. Í tilkynningu kemur fram að Pétur hafi verið valinn úr hópi 44 umsækjenda. Áður en Pétur hóf störf hjá Icelandair hafði hann m.a. borið ábyrgð á samskiptamálum Símans, Framtakssjóðs Íslands, Skipta og Íslandsbanka. Hann var viðskiptafulltrúi Íslands í Bandaríkjunum og Kanada á árunum 2000-2005 þar sem hann var meðal annars annar framkvæmdastjóra Iceland Naturally verkefnisins, samstarfsverkefni íslenskra stjórnvalda og fyrirtækja um kynningu á Íslandi og íslenskum vörum og þjónustu. Á undanförnum árum hefur hann setið í fjölmörgum stjórnum fyrirtækja og samtaka, m.a. Samtaka atvinnulífsins, Samtaka ferðaþjónustunnar og Amerísk-íslenska viðskiptaráðsins. Pétur er með BA-gráðu í heimspeki frá Háskóla Íslands og MBA-gráðu frá Fordham-háskóla í New York.

„Íslandsstofa stendur á tímamótum en ný lög um starfsemi hennar tóku gildi í september þar sem Íslandsstofu var breytt í sjálfseignarstofnun. Framundan eru umfangsmikil og krefjandi verkefni, ekki síst langtímastefnumótun um markaðssetningu og útflutning á íslenskum vörum, þjónustu og menningu. Stjórn Íslandsstofu stóð frammi fyrir erfiðu vali þar sem hópur einstaklega hæfra einstaklinga gaf kost á sér til að leiða þetta verkefni. Við fögnum því að hafa fengið Pétur Þ. Óskarsson í forystu Íslandsstofu. Yfirgripsmikil reynsla hans og fyrri störf úr utanríkisþjónustunni og atvinnulífinu, jafnt hér á landi sem erlendis, munu nýtast vel við verkefnin framundan. Ég vil nota þetta tækifæri til að þakka fráfarandi framkvæmdastjóra, Jóni Ásbergssyni, fyrir hans framúrskarandi starf í þágu íslensks atvinnulífs um árabil, “ segir Björgólfur Jóhannsson, formaður stjórnar Íslandsstofu, í tilkynningu..

Íslandsstofa er samstarfsvettvangur fyrirtækja, hagsmunasamtaka, stofnana og stjórnvalda um stefnu og aðgerðir til að efla ímynd og orðspor Ísland. Hlutverk hennar að veita alhliða þjónustu og ráðgjöf til að greiða fyrir útflutningi vöru og þjónustu, laða til landsins erlenda ferðamenn og fjárfestingu með samræmdu kynningar- og markaðsstarfi og vera stjórnvöldum til ráðuneytis um fjárfestingarmál.

Íslandsstofa styður við kynningu á íslenskri menningu, vörum og þjónustu erlendis og vinnur tillögur að langtímastefnumótun atvinnulífs, hagsmunasamtaka og stjórnvalda og hrindir þeirri stefnumótun í framkvæmd.

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …