Samfélagsmiðlar

Icelandair seinkar komu sinni til Cleveland á næsta ári

Þrátt fyrir brotthvarf WOW þá mun Icelandair ekki bæta við ferðum til og frá Cleveland á næsta ári.

Frá Cleveland

Þegar þotur Icelandair og WOW air hófu að fljúga reglulega til Cleveland í vor var það í fyrsta sinn í nærri áratug sem íbúar bandarísku borgarinnar gátu flugið beint úr heimabyggð til Evrópu. Nú er ljóst að ekki verður framhald á ferðum WOW air því Cleveland er ein af þeim þremur borgum í Miðvesturríkjum Bandaríkjanna sem duttu út af leiðakerfi félagsins í síðustu viku.

Icelandair ætlar hins vegar að halda áfram en þó í minna mæli en til stóð. Upphaflega áformuðu stjórnendur Icelandair að fljúga allt árið um kring til Hopkins flugvallar í Cleveland. Í september var hins  vegar tilkynnt að ferðirnar myndu leggjast af nú í lok október og þráðurinn yrði tekinn upp að nýju í mars. Nú er hins vegar ljóst að bið verður á fyrstu þotu ársins frá Íslandi fram í maí á næsta ári samkvæmt frétt Cleveland.com. Þar er haft eftir Michael Raucheisen, talsmanni Icelandair vestanhafs, að ætlunin sé að halda tryggð við Cleveland en að sætanýtingin sé ennþá ekki nógu góð á öðrum árstímum en yfir sumarmánuðina.

Brotthvarf WOW air frá Cleveland eftir aðeins nokkurra mánaða tilraun og niðurskurður Icelandair er sterk vísbending um að kapp, frekar en forsjá, hafi ráðið ferðinni þegar borginni var bætt við leiðakerfi flugfélaganna beggja. Alla vega er ljóst að þar er í dag ekki markaður fyrir bæði íslensku flugfélögin og hvað þá allt árið um kring. En vonandi hafa bæði Icelandair og WOW haft eitthvað upp úr sumarfluginu því af fargjöldunum að dæma þá er þotunum flogið þangað núna með tapi. Flugmiði með WOW til Cleveland, seinnipartinn í dag, kostar aðeins 15.499 og farið með Icelandair á morgun er á 27.585 krónur. Þessi fargjöld eru örugglega töluvert undir kostnaðarverði líkt og Túristi fjallaði um í síðustu viku. Það kostar nefnilega að lágmarki um 6 milljónir króna að senda þotur Icelandair og WOW til Hopkinsflugvallar og tekjur af hverju sæti verða því að vera töluvert hærri en farmiðarnir kosta í dag.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …