Samfélagsmiðlar

Isavia gefur út þriðju verðskrá ársins

Á mánudag hefst gjaldtaka á rútustæðunum við Flugstöð Leifs Eiríkssonar samkvæmt nýrri verðtöflu. Hún er aðeins lægri en sú gamla og töluvert undir upphaflega gjaldinu sem Samkeppniseftirlitið hefur nú til skoðunar.

Eftir helgi mun það kosta 9.900 krónur að leggja stórri rútu við Leifsstöð.

Nú er nærri eitt og hálft ár liðið frá útboði Isavia á aðstöðu fyrir sætaferðir frá Leifsstöð lauk. Hópbílar og Kynnisferðir buðu best og fær Isavia þriðjung af tekjum fyrrnefnda fyrirtækisins af ferðunum og 41,2 prósent af andvirði sölunnar hjá Kynnisferðum. Hið nýja fyrirkomulag gekk í gildi þann 1. mars og um leið hófst í fyrsta sinn gjaldtaka á ytra rútustæðinu þar hópferðabílar og Strætó hafa haft aðstöðu.

Upphaflega átti klukkutímagjaldið þar að vera um 19.900 krónur og kærðu forsvarsmenn ferðaþjónustufyrirtækisins Gray Line þá gjaldheimtu. Í kjölfarið gáfu stjórnendur Isavia út nýja aðlögunarverðskrá sem var nokkru lægri og á mánudag tekur svo gildi nýtt bráðabirgðagjald. Það er lægra en hið fyrrnefnda aðlögunargjald eins og sjá má á töflunni hér fyrir neðan.

Þessar endurteknu verðbreytingar skrifast á þá staðreynd að gjaldtakan er nú til skoðunar hjá Samkeppniseftirlitinu sem kvað í sumar upp bráðabirgðaúrskurð í málinu og var gjaldtakan stöðvuð í framhaldinu. Áfrýjunarnefnd samkeppnismála  hefur einnig fjallað um málið og komst að þeirri niðurstöðu að ekki skuli fella úr gildi bráðabirgðaákvörðunina. Endanlegrar niðurstöðu Samkeppniseftirlitsins er nú beðið en samkvæmt því sem fram kemur í tilkynningu frá Isavia í gær þá er ákvörðunar að vænta um hvort gjaldið, sem tekið var frá 1. mars til 17. júlí 2018, verði endurgreitt eða ekki.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …