Samfélagsmiðlar

WOW á eigin fótum um mánaðamót

Það er ekki útlit fyrir að sá tímarammi sem forstjórar Icelandair og WOW air höfðu gefið sér í að ganga frá kaupunum gangi eftir.

wow gma Friðrik Örn Hjaltested

Viðskipti með hlutabréf í Icelandair Group voru stöðvuð í morgun að beiðni Fjármálaeftirlitsins. Opnað var á ný í hádeginu eftir að fyrirtækið sendi frá sér tilkynningu þar sem fram kom að ljóst væri að ýmsir fyrirvarar í kaupsamningi þess á WOW air yrðu ólíklega uppfylltir fyrir hlutahafafund sem fram fer á föstudagsmorgun. Á þeim fundi er ætlunin að hluthafar Icelandair Group greiði atkvæði um yfirtökuna á WOW og er samþykki þeirra einn af fyrirvörum kaupsamningsins sem kynntur var 5. nóvember síðastliðinn.

Kaupin á WOW eru líka háð samþykki Samkeppniseftirlitsins en Bogi Nils Bogason, forstjóri Icelandair, sagði í viðtali við Kastljós RÚV, daginn eftir að kaupin voru tilkynnt, að best væri ef niðurstaða eftirlitsins yrði birt fyrir mánaðamót. „Það er óheppilegt að reka fyrirtæki í óvissu,” sagði Bogi en ítrekaði að í kaupsamningnum væri ekki skilyrði um að niðurstaða Samkeppniseftirlitisins lægi fyrir í lok nóvember. Ekki hafa fengist upplýsingar um hvenær von er á úrskurði Samkeppniseftirlitisins en líkt og Túristi greindi frá fyrir helgi þá bíður eftirlitið nú álits erlendra flugfélaga á kaupum Icelandair á sínum helsta keppinaut.

Í fyrrnefndu viðtali við Kastljós var Bogi jafnframt spurður hvað myndi gerast ef WOW air yrði ógjaldfært í lok þessa mánaðar. Svar forstjórans var á þá leið að það væri hlutverk Samgöngustofu að grípa inn í og hafa eftirlit með rekstrarhæfi flugrekenda. Túristi hefur óskað eftir upplýsingum frá Samgöngustofu um hvort eftirlit með WOW sé með sérstökum hætti þessa dagana eða ekki.

Skúli Mogensen, forstjóri og eigandi WOW air, sagði í bréfi til starfsmanna, daginn sem kaupin voru opinberuð, að hann gerði ráð fyrir að kaupferlið tæki rúmar þrjár vikur. Nú stefnir hins vegar í að óvissunni verði ekki létt fyrir mánaðamót og því ljóst að WOW air verður sjálft að standa undir launagreiðslum og öðrum kostnaði nú um mánaðamót.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …