Samfélagsmiðlar

WOW air dregur í land

Nú virðist sem stjórnendur WOW air ætli ekki að veita Icelandair samkeppni í flugi til Orlandó nema yfir jól, áramót og páska.

orlando skilti 860

Þotur Icelandair hafa flogið til Orlandó í Flórída allt frá árinu 1984 og í næsta mánuði er fyrsta ferð WOW air til bandarísku borgarinnar á dagskrá. Þar með er komin samkeppni á einni af þeim flugleiðum sem hlutfall íslenskra farþega er einna hæst. Upphaflega stóð til að WOW air myndi halda þessum ferðum úti fram á vorið en núna þegar vika er liðin frá tilkynningu um kaup Icelandair á flugfélaginu þá hefur ferðunum til Orlandó skyndilega verið fækkað verulega. Þannig eru allar brottfarir frá 5. janúar og fram til 1. apríl sagðar uppseldar og því óbókanlegar.

Staðan var önnur í síðustu viku en Túristi hefur fylgst með breytingum á flugáætlun WOW air til Orlandó allt frá því að tilkynnt var um kaup Icelandair á WOW air. Það er nefnilega vandséð hvernig bæði félögin eigi að geta haldið úti áætlunarflugi til borgarinnar sérstaklega þar sem eftirspurnin eftir ferðunum þangað hefur verið einna mest frá heimamarkaðnum. Valið á þeirri flugleið hjá WOW air var líka harla óvenjulegt því Skúli Mogensen, forstjóri WOW air, hefur síðustu mánuði talað um sókn félagsins inn á markað fyrir viðskiptaferðalanga en Orlandó er ekki áfangastaður fyrir þess háttar flugfarþega nema að litlu leyti.

Þó tilkynnt hafi verið um kaup Icelandair og WOW air þá eru viðskiptin gerð með fyrirvara um samþykki Samkeppniseftirlitsins og hluthafafundar Icelandair.

Þess ber að geta að ekki tókst að fá skýringar frá WOW air á þessari breytingu á leiðaráætluninni áður en fréttin var birt. Um leið og svör berast verður gert grein fyrir þeim.

TENGDAR GREINAR: Bílaleigubílar aðeins dýrari í Flórída

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …