Samfélagsmiðlar

Yfirlýsing Skúla gæti kallað á neikvæð viðbrögð frá Icelandair og Samkeppniseftirlitinu

Það gæti reynst samkeppnisyfirvöldum ómögulegt að gefa grænt ljós á yfirtöku Icelandair á WOW air ef það eru í raun aðrir áhugasamir kaupendur.

wow skuli airbus

Skúli Mogensen, forstjóri og eini eigandi WOW air.

Á sama tíma og Skúli Mogensen er að binda lausa enda varðandi sölu á WOW air til Icelandair þá er hann að skoða áhuga annarra aðila á flugfélaginu. Þannig má skilja tölvupóst sem forstjóri og eigandi WOW air sendi starfsmönnum sínum í gær. Pósturinn var sendur í kjölfar tilkynningar frá Icelandair Group þar sem fram kom að ólíklegt væri að allir fyrirvarar varðandi kaupin á WOW verði uppfylltir fyrir hluthafafund á föstudagsmorgun. Tilkynningin var send út eftir að Fjármálaeftirlitið fór fram á að viðskipti með bréf Icelandair væru stöðvuð gærmorgun. Opnað var fyrir viðskiptin í framhaldinu.

Yfirlýsing Skúla um fleiri áhugasama kaupendur vakti skiljanlega mikla athygli og sérstaklega í ljósi þess að núna eru þrjár vikur liðnar frá því að kaup Icelandair á WOW voru kynnt. Hvort þessar hliðarviðræður Skúla hafi komið forsvarsfólki Icelandair á óvart liggur ekki fyrir en ef það er raunin þá má fastlega gera ráð fyrir viðbrögðum frá þeim í dag eða á morgun að mati viðmælenda Túrista. Og ekki síðar en föstudag þegar ætlunin er að sannfæra hluthafa um kosti þess að kaupa WOW og auka hlutafé í Icelandair Group.

Því hefur verið haldið fram af sérfræðingum í samkeppnisrétti og fleirum að Samkeppniseftirlitið geti gefið samþykki sitt fyrir kaupum Icelandair á WOW ef síðarnefnda félagið er í raun á fallandi fæti og hafi engan annan kost. Miðað við yfirlýsingu Skúla í dag er það hins vegar ekki raunin og því gæti það reynst Samkeppniseftirlitinu erfitt að gefa grænt ljós á samþjöppun ef annar kaupandi en Icelandair er sannarlega til staðar.

Yfirtaka Icelandair Group á WOW air var gerð með fyrirvara um samþykki hluthafafundar og Samkeppniseftirlitsins auk niðustöðu áreiðanleikakönnunar. Þegar samningurinn var kynntur þann 5. nóvember sögðu forstjórar Icelandair og WOW air að þeir vonuðust eftir niðurstöðu fyrir mánaðamót. Miðað við stöðuna í dag er ólíklegt að það náist og þar með stendur WOW eitt um næstu mánaðamót líkt og Túristi fjallaði um í gær.

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …