Samfélagsmiðlar

Skúli gæti orðið meirihlutaeigandi að nafninu til

Ef hinn bandaríski Bill Franke fer sömu leið með WOW og Wizz air þá mun hann halda um stjórnartaumana jafnvel þó hann verði ekki beint með meirihluta í flugfélaginu.

wow skuli airbus

Skúli Mogensen forstjóri og eigandi WOW.

Viðræður um fjárfestingu Indigo Partners í WOW air ganga vel. Þetta kemur fram í sameiginlegri fréttatilkynningu sem samningsaðilar sendu frá sér seinnipartinn í dag. Þar segir að Bill Franke, stjórnandi Indigo Partners, hafi varið síðustu tveimur dögum hér á landi ásamt starfsmönnum sínum til að kynna sér rekstur WOW. Fram kemur að báðir aðilar vilji ganga frá samningi sem fyrst. „Áður en hægt er að ljúka samningum þarf að liggja fyrir niðurstöður varðandi leiðarkerfi WOW air, flugvélaleigusamninga ásamt samningum við skuldabréfaeigendur félagsins,“ segir jafnframt í tilkynningunni.

Ekki fást nánari upplýsingar frá WOW um hvaða vafaatriði þarf að útkljá varðandi leiðakerfi WOW air. Er ætlunin að draga úr ferðum þannig að leiðarkerfið verði sambærilega umsvifamikið og það var á þeim árum sem reksturinn skilaði hagnaði? Eða er ætlunin að leiðakerfi WOW verði aðlagað að flugáætlunum Wizz air og Frontier en Indigo Partners á stóran hlut í báðum flugfélögum? Gera má ráð fyrir að verulegur samdráttur í flugáætlun og flugflota muni hafa í för með sér uppsagnir.

Ekki kemur fram í tilkynningunni hvort Skúli Mogensen, forstjóri og stofnandi, WOW haldi meirihluta í félaginu eða ekki. Íslensk lög gera þó kröfu um að eignarhluti erlendra aðila í íslensku flugfélagi megi ekki vera meira en 49 prósent. Þessar reglur gilda einnig á EES-svæðingu og þær þekkir Bill Franke, stjórnandi Indigo Partners, mætavel eftir að hafa fjárfest í ungverska lággjaldaflugfélaginu Wizz Air.

Franke er reyndar sagður hafa fundið leið framhjá þessum Evrópureglum. Í frétt The Times, sem birt var árið 2015, er því líst hvernig meginhluti eignar Indigo Partners í Wizz air hafi verið í gegnum eignarhald á breytanlegum skulda- og hlutabréfum. Þar með hafi beinn og óbeinn hlutur bandaríska fjárfestingafélagsins í Wizz air numið allt að 66 prósentum. Hlutdeild Indigo Partners í hefðbundnu hlutafé var þó aðeins um fimmtungur. Þar með var Indigo Partners langt undir hámarki Evrópusambandins.

Ef Franke fer sömu leið með WOW gæti hann látið líta út fyrir að það væri Skúli Mogensen sem fari með meirihluta í flugfélaginu en það yrði þá bara að nafninu til. Íslensk stjórnvöld gætu, líkt og Evrópuráðið gerði, tekið þessa skiptingu hlutafjár til skoðunar. Í viðtali við The Times benti hins vegar József Váradi, forstjóri og stofnandi Wizz Air, á að breytanlegu bréfunum fylgi enginn atkvæðisréttur og þar með fari Indigo Partners ekki með meirihluta atkvæða í Wizz Air. „Við höfum útskýrt þetta fyrir Evrópuráðinu mörgum sinnum. Samsetningin hjá okkur hefur verið skoðuð og fengið samþykki. Þetta er skothelt,“ sagði Váradi.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …