Samfélagsmiðlar

Þriðjungi fleiri Bandaríkjamenn í jólaferð til Íslands

Evrópsk ferðaþjónusta nýtur góðs af ferðagleði Bandaríkjamanna og það á sérstaklega við nú í lok árs.

Jólaferðum Bandaríkjamanna til Íslands fjölgar hratt.

Um fimmtungi fleiri Bandaríkjamenn voru á ferðinni í Evrópu í desember í samanburði við sama tíma í fyrra samkvæmt samantekt tryggingafyrirtækisins Allianz. Og þó London sé áfram sú borg sem laðar til sín flesta bandaríska ferðamenn þá er ásóknin í aðrar borgir að aukast hratt. Þannig stefndi í að heimsóknum Bandaríkjamanna til Lissabon yrðu tvöfalt fleiri í jólamánuðinum og um helmingi fleiri ætluðu til Zurich og Barcelona. Ísland er svo í sjötta sæti á lista Allianz yfir þær evrópsku borgir þar sem vöxturinn í jólaferðum Bandaríkjamanna er mestur.

Gangi þessi spá tryggingafyrirtækisins eftir þá hafa um 36 þúsund bandarískir ferðamenn komið hingað til lands í desember. Hvort það reynist rétt kemur í ljós fljótlega eftir áramót þegar Ferðamálastofa birtir talningu sína á ferðafólki. Til samanburðar þá fjölgaði bandarískum ferðamönnum um 8 prósent hér á landi í desember í fyrra.

Hafa ber í huga að talningin fer fram við brottför og allir þeir sem heimsækja Ísland um áramót eru því fyrst taldir í janúar.

Þær evrópsku borgir þar sem vöxturinn í jólaferðum Bandaríkjamanna er mestur:

  1. Lissabon: 103,2%
  2. Zurich: 54,8%
  3. Barcelona: 50,2%
  4. París: 42,7%
  5. Mílanó: 37,4%
  6. Ísland: 36,6%
  7. Feneyjar: 34,2%
  8. London: 31,6%
  9. Amsterdam: 22,5%
  10. Munchen: 19,6%
Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …