Samfélagsmiðlar

Flugumferðin í desember stóð nærri því í stað

Þó hlutdeild Icelandair á Keflavíkurflugvelli hafi aukist í síðasta mánuði þá er hún langt frá því sem áður var. Vægi WOW drógst lítillega saman.

kef icelandair wow

Íslensku flugfélögin tvö stóðu fyrir rúmlega 7 af hverjum 10 áætlunarferðum frá Keflavíkurflugvelli í desember.

Að jafnaði voru farnar rétt um 60 áætlunarferðir á dag frá Keflavíkurflugvelli í nýliðnum desember. Var þetta aukning um tæpa eina ferð á dag frá því í desember í hittifyrra samkvæmt talningum Túrista. Keflavíkurflug Air Iceland Connect frá Akureyri er inní þessum tölum en þær ferðir eru aðeins í boði fyrir þá farþega sem millilenda við Leifsstöð á leið til eða frá útlöndum.

Sem fyrr er Icelandair umsvifamest í alþjóðafluginu þegar litið er til fjölda flugferða. Hlutdeild félagsins jókst í desember en hafði lækkað umtalsvert árin á undan eins og sjá má á súluritinu hér fyrir neðan. Ferðafjöldinn jókst um 7 prósent hjá Icelandair en drógst saman um nærri þrjá af hundraði hjá WOW. Gera má ráð fyrir þónokkuð meiri samdrætti hjá því síðarnefnda á næstunni í takt við boðaðan niðurskurð.

Af erlendu flugfélögum þá er easyJet langstærst með nærri því þrisvar sinnum fleiri áætlunarferðir en Wizz Air sem er var næststærst af þeim flugfélögum sem ekki eru með starfsstöð á Íslandi.

Nýtt efni

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …

Megn óánægja er meðal starfsmanna skemmtigarðsins Disneyland í Kaliforníu í Bandaríkjunum og hóta þeir nú verkfalli í fyrsta skipti frá árinu 1984. Kjaraviðræður sem staðið hafa síðan í apríl hafa engum árangri skilað. Ef af verður munu 14 þúsund starfsmenn skemmtigarðsins leggja niður störf samkvæmt frétt CNN en 99 prósent þeirra hafa samþykkt verkfallsaðgerðir. Til …