Samfélagsmiðlar

Hríðlækkað verð á rútumiðum til og frá Leifsstöð

Undir lok árs fór verðið hjá Airport Direct niður um þriðjung og stjórnendur Airport Express lækkuðu líka. Áfram kostar þó það sama í ferðir Flugrútunnar.

Isavia fær 41,2% af tekjum Flugrútunnar af sætaferðum frá Leifsstöð og þriðjung af tekjum Airport Direct.

Nú er tæpt ár síðan að Airport Direct, sem eru í eigu Hópbíla, fékk aðgang að stæðunum fyrir framan Flugstöð Leifs Eiríkssonar í kjölfar útboðs Isavia. Þá voru sætaferðir fyrirtækisins milli flugstöðvarinnar og Reykjavíkur dýrari en þekkst hafði hjá Flugrútunni og Airport Express, helstu samkeppnisaðilunum. Stakur miði kostaði þá 2.990 krónur en fljótlega fór Airport Direct að bjóða sætin á 2.390 krónur en eingöngu á þeim tímum sólarhringsins þar sem umferðin er minni.

Sætaferðir Airport Direct í sumarlok voru þó ekki vel nýttar líkt og athugun Túrista leiddi í ljós. Þá sátu jafnan aðeins örfáir farþegar um borð á meðan Flugrútan, sem Kynnisferðir reka, ók nærri fullfermd til og frá flugstöðinni. Rútur fyrirtækjanna tveggja standa hlið við hlið við komusal Leifsstöðvar en á fjarstæði heldur Airport Express, í eigu Grayline, til og þar var nýtingin líka betri en hjá Airport Direct.

Skýringin á þessari ólíku stöðu rútufyrirtækjanna var sú, að mati Hjörvars Sæbergs Högnasonar, framkvæmdastjóra Airport Direct, að fyrirtækið væri nýliði á þessum markaði og það tæki tíma að byggja upp viðskiptasambönd.

Af nýjustu verðskrá Airport Direct að dæma þá er fyrirtækið enn í vanda með sætanýtinguna því í lok nýliðins árs lækkaði farmiðinn aftur og núna niður í 1.990 krónur. Á heimasíðu félagsins er þetta verð auglýst sem sérstakt hátíðartilboð en það er engu að síður ennþá bókanlegt í dag og meira að segja í ferðir félagsins á háannatímum í sumar.

Túristi hefur óskað ástæðum þessarar verðlækkunar hjá Hjörvari Sæberg en ekki fengið nein svör. Þess má geta að Hópbílar/Airport Direct greiða Isavia þriðjung af farmiðaverði í þóknun fyrir aðstöðuna beint fyrir framan Leifsstöð. Verðlækkunin hefur þó ekki bein áhrif á tekjur Isavia því rútufyrirtækið verður að greiða Isavia að lágmarki 127 milljónir á ári fyrir afnot af bílastæðunum. Við upphæðina bætist svo leiga á aðstöðu inn í flugstöðinni.

Hjá Airport Express lækkaðu fargjöldin í kjölfar verðlækkunar Airport Direct. Hjá því fyrrnefnda er stakt fargjald nú á 1.950 krónur sem er það sama og rukkað var fyrir sætaferðirnar árið 2013. Flugrútan heldur þó í fyrri verðskrá og kostar farmiðinn þar 2.999 krónur.

Nýtt efni

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …

Megn óánægja er meðal starfsmanna skemmtigarðsins Disneyland í Kaliforníu í Bandaríkjunum og hóta þeir nú verkfalli í fyrsta skipti frá árinu 1984. Kjaraviðræður sem staðið hafa síðan í apríl hafa engum árangri skilað. Ef af verður munu 14 þúsund starfsmenn skemmtigarðsins leggja niður störf samkvæmt frétt CNN en 99 prósent þeirra hafa samþykkt verkfallsaðgerðir. Til …