Samfélagsmiðlar

Indigo Partners orðað við kaup á Norwegian

Stjórnendur móðurfélags British Airways ætla ekki að reyna aðra yfirtöku á Norwegian. Hlutabréfaverð í norska félaginu féll í kjölfarið. Sérfræðingar telja Norwegian vera heppilegan kost fyrir Indigo Partners sem síðustu vikur hefur skoðað kaup á WOW air.

Þegar í ljós kom í vor að IAG, móðurfélag British Airways, ætti orðið nærri fimm prósent hlutafjár í Norwegian og hefði áhuga á að taka norska flugfélagið yfir þá rauk hlutabréfaverðið upp. Í kjölfarið fylgdu yfirtökutilboð frá IAG en þeim var hafnað. Í dag sendi breska félagið svo frá sér tilkynningu þar sem fram koma að búið væri að gefa yfirtöku upp á bátinn og hlutirnir í Norwegian yrðu seldir.

Nær samstundis hrundi hlutabréfaverð í Norwegian um rúman fimmtung og endaði gengið í 144 norskum krónum. Til samanburðar er talið að yfirtökutiboð IAG, síðastliðið sumar, hafi hljóðað upp á 330 krónur á hvern hlut. Munurinn er því ríflega tvöfaldur og víst er að hluthafar í Norwegian eru margir ósáttir í dag. Þar á meðal stóri bróðir Bjørn Kjos forstjóra en þeir bræður eiga saman stóran hlut í félaginu. Síðast í gær hafði sá eldri lýst því yfir í viðtali við Dagens Næringsliv að hann vonaðist til að bróðir sinn myndi á endanum selja IAG félagið. Af því varð ekki.

Hið alvarlegu tíðindi af Norwegian í dag eru mál málanna í norsku viðskiptapressunni nú í kvöld og þeir sérfræðingar sem rætt er við í grein E24 eru sammála um að besta lausnin fyrir Norwegian felist í því að fá inn fagfjárfesta sem hafa reynslu af flugrekstri. Er Indigo Partners nefnt sem dæmi um þess háttar aðila og er það tekið fram í greininni að bandaríska fjárfestingafyrirtækið skoði nú kaup á WOW air. Að mati viðmælenda E24 er talið víst að aðilar eins og Indigo Partners komi ekki að Norwegian nema taka yfir stjórn þess og ekki sé víst að núverandi forstjóri og stjórnarformaður sætti sig við slíkt enda báðir stóri hluthafar í félaginu.

 

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …