Samfélagsmiðlar

Ódýrt til Indlands en fá laus sæti heim á ný

Eftir tvær vikur leggur WOW air niður flug sitt til Nýju Delí en kostnaðurinn við hverja flugferð er á bilniu 11 til 15 milljónir.

Skúli Mogensen, forstjóri WOW air og Hr. T. Armstrong Changsan, sendiherra Indlands á Íslandi ásamt áhöfn fyrsta flugs WOW air til Nýju Delí þann 6. desember.

Fyrir sléttum mánuði síðan fór breiðþota WOW air í jómfrúarferð félagsins til Nýju Delí. Um borð var Guðlaugur Þór Þórðarson, utanríkisráðherra, sem fór fyrir fimmtíu manna viðskiptasendinefnd sem hélt utan í tilefni af því að nú væru komnar á flugsamgöngur á milli Íslands og Indlands. Hópurinn var hins vegar rétt að skila sér heim þegar WOW air gaf það út að flugleiðin til Indlands yrði lögð niður 20. janúar næstkomandi.

Í dag eru því aðeins tvær vikur eftir af flugáætluninni og sex ferðir ófarnar héðan til Nýju Delí. Það eru laus sæti í þær allar og kosta ódýrustu farmiðarnir rétt um 30 þúsund krónur nema brottförina sem er á dagskrá á þriðjudaginn. Borga þarf tíu þúsund krónum meira fyrir sæti í þá ferð.

Fullt í heimferðirnar

Það virðist því nóg vera til af miðum út en framboð á flugsætum tilbaka takmarkast við flugið þann 18. janúar og kostar ódýrasti miðinn 49 þúsund krónur. Engin sæti eru fáanleg í flugið til Íslands frá Nýju Delí dagana 11., 13., 16. og  20. janúar. Það er reyndar laust í brottförina frá Indlandi þann 9. janúar en sú ferð er aðeins valkostur fyrir þá sem eru úti núna. Og ódýrasta sætið í þá ferð kostar líka 164 þúsund krónur.

Hver flugferð kostar á annan tug milljóna

Sem fyrr segir þá kosta ódýrustu miðarnir í dag til Nýju Delí rétt um 30 þúsund krónur. Það er töluvert undir því meðalverði sem WOW þarf að fá á hvern farþega um borð. Það kostar WOW air nefnilega um 11 til 15 milljónir að fljúga breiðþotu til Indlands ef miðað er við kostnað flugfélagsins á hvern floginn sætiskílómetra árið 2017 sem birtur var í kynningu á skuldabréfaútboði flugfélagsins í haust. Vissulega hefur sú tala tekið breytingum undanfarið ár en hún ennþá góður mælikvarði á hvað útgerðin kostar í dag.

Heildarkostnaðurinn við þessa 30 flugleggi, sem farnir verða milli Íslands og Nýju Delí, er því líklega á bilinu 330 til 450 milljónir króna. Ef sætanýtingin er um 80 prósent að jafnaði þá þurfa tekjurnar af hverjum farþega að nema um 40 til 55 þúsund kr. á hverri leið. Við þetta bætist svo stofnkostnaðurinn við þessa nýju flugleið en þegar lagt var af stað var ætlunin að halda fluginu út allt árið um kring.

Nú er ljóst að Indlandsflugið verður bara starfrækt í 6 vikur og því óhætt að fullyrða að þessi landvinningar í Indlandi hafa reynst WOW dýrir. Og fyrrnefnd ferð utanríkisráðherra og sendinefndar í byrjun desember hefur líka kostað sitt.

 

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …